{الطير روحه الجنح}
...........
الطير روحه.. الجنح
شيسوي أذا. ينخلع
الطير أذا..... ينذبح
شريانه يصبح.. نبع
يا كتر ما بيه.. جرح
وجروح كلبي.. گطع
ع الجرح رشلي ملح
ويگلي بيه.... تنتفع
أبدمي شرعه. يصح
وبموتي عنده. شرع
بالعين أشوف الفرح
والحزن جوه الضلع
لا ليله بعده.. صبح
ولا شمله بعده جمع
لامني يسمع.. نصح
لا بالحچي ..ينسمع
محتار حيرة ...فلح
لمن يموت ..الزرع
مثل لبظهره.. رمح
وبعيد عنه.. الربع
...........
..........كلمات
ناصر اسماعيل الموزاني
رد مع اقتباس