الناس من تعشك خضار اطيح كاع
عيوني ديره وساكنه بهيدت ضواك
انجفي نذور منحط خصرك ضريح
وتكشخ الريه بهلا لو مر هواك
لاتفكر بيهم الراحو يجوك
الربيع متاعه متعلك بسماك
لاكي روحك لادور عن طريج
الودك الكد مشتهاه راوي كفاك
السنبل الدنك علاه الشامخ رخيص
اليحوي غيرك راح يتحسر نواك
المضيف اهيابته بكسرت كفاه
التيه بوجهك رسم كاعد وراك
دموع السومر عشك طيحته عيد
الماعرف جرحك فلا يندل دواك
عيش يمي؟ الماي من يبعد يموت
الخلكه بير بشوفته يبرد ضماك
غلي جدمك رخصت ادروب الصديج
موشرط حبك شكو واحد هواك
الجرحه طاب اوليفه لورد لونساه
الكصر اجدامه وطول هجره نساك
رد مع اقتباس
المشاركة الأصلية كتبت بواسطة ملگهہ لآيهہتزلهآعرش❀
