وهاي قصة بس والله مو فلم هندي حقيقية مية بالمية وصايرات بالريف
...
اكو شاب يحب بنية وهي هم تحبه
واكو بنية ثانية تحب الشاب بس هو مايعرف انو هي تحبه
بس هي تعرف انو هو يحب صديقتهه ومشاعرهم متبادلة
فحاولت تخرب بيناتهم ووصلت حجي عن علاقتهم لأهل البنية
فغصبوا البنية على انو تتزوج واحد من ولد عمامهه
بس مايعرفون منو وصل الحجي لأهل البنية
المهم بيوم زواجهه الشاب جان واكف ويشوف زفتهه وعيونه تدمع
شافته البنية الي تحبه
فظلت تصفك وتهلهل بقوة لانو جانت فرحانة ﻻن الجو خلالهه بعد الي يحبهه واتزوجت
فمن شافاهه هيج كاللهه هذا الدارمي
كال:
هلهل عليج البين يالهلهليتي
بظلوعي اتكسرين من صفكيتي
فكالتله:
..
ما كسرت يفلان بظلوعك انا
للعرسوا صفكيت يمتة سرانا
فكاللهه:
لا لج سرة ولا حب يبنية ابعدي
صوت الطبل والكيف مردلي جبدي
فكالتله بعد ما أيست:
روحي الله لأ وياك بالعفت الاوجوه
خافن ترد وتكول ظل النه مشروه ...
........
رد مع اقتباس
المشاركة الأصلية كتبت بواسطة KASSAR
