وبالحشد مليون عابس!الشاعر حسين الساعدي
احنه ذبينه عمرنه--ومانذب بس الملابس
عابس ابواحد سمعنه-وبالحشد مليون عابس
واحنه زفينه الورد للمكبره
وبالشهاده وهالشباب امعطره
وللفخر صاروا مدارس
وبالحشد مليون عابس
:::::::
ياحبيب ابن مظاهر
لو تجي ابعينك تشوف
هالحشد ويه الصحابه
والتحق لارض الطفوف
عالبنادق والمواضع
احنه شدينه الجفوف
احنه ما نتراجع ابكل السنين
احنه اليسمونه عشاك الحسين
والحشد بيرغ مجالس
وباالحشد مليون عابس
يازهير الموته وحده
واحنه يوميه نموت
بالذبح ويه النواسف
مايرجعونه ونفوت
احنه والزينب مشينه
وماسكتنه وبينه صوت
صحنه انصار العقيله وجينه
وياشمر يتحده ويلاكينه!
وعالخدر واحدنه حارس
وبالحشد مليون عابس
::::::
مثل جون وفصلينه
بالشرف ثوب السياده
احنه طحنه وخضرينه
وردة الحُب والاراده
احنه للعباس اجينه
ونستلم منه الشهاده
وين مسلم وين اصحاب الحسين
خل يشوفون الصحابه التابعيين
والبحر راد النوارس
وبالحشد مليون عابس
:::::
احنه والكرار منه
المايفر يوم الحرب
احنه والجنه ابدربنه
ونعرف ابهذا الدرب
احنه بالزهره وقسمنه
ويه نبضات الكلب
والوفه الام البنين الطاهره
وراية العباس سبع الكنطره
وللحرب ماخذنه واهس
وبالحشد مليون عابس
حسين الساعدي
رد مع اقتباس
عاشت ألأيادي حلووو
