السلام عليكم
مطلع قصيده : ... (( بشاره حـــزن ))
ابشرك يل رحت خليتني ابلا راي
وانه طبعي طبع ما يقبل الــــــرده
عاندت الهوة بس ما كدرت ويــاه
ويل ماخذ هواي وياك مــــــترده
ابنص الحرب وانجرح كلبي هواي
وانته دكتور ومهمتك لازم اتشده
وانه مثل الغصن لخضر ويه النار
يدخن غضب لو حركوا الـــــعنده
صح طاح الورك خلص ابمحياه
لجن يطلع لمن تخلص الــــــشده
وانه دمعه يتيم مطالع الـــــــظيم
وصفت كتبه وقراءه اتنام يم خده
تمنيت الك انسه صدى العين
بعدك صدعني الزمن صدعين
حبيبي ارجوك لا تبعد صد عين
لان بعيونك ايعيش العمر وعده
حرام اتنام ليلك وانه ســـهران
وحرام الظالم ايضوك المخــده
انت ما شايف عشك لو بيه ممار
انه ما شايف كلب يطرد الـــوده
ترى حسره العشك والدرب موت
ومن يهيج البحر تتنازل الـــسده
ولك ارحم كلب ما بيه حيـــــاه
مثل جيش انكسر محتار بالشرده
ما راضع محنه ابحضن رباك
الي رب الاعبده والك رباك
لا تنطي خمس والجرح رباك
وانه كاس التهشم مايه لـــتبده
مسكين اليحب صوبه الحبيب
وذانه اعله اللسان وعين لتصده
بس اخر طلب ما اريد اشوفك دوم
لان كل ما اشوفك دمعي يتنــده
ما رايد عشك بس فكني حــــــباب
وكلشي انطيته الك ارجوك الي رده
اتمنه تكون عجبتكم
الحقوق لي فقط
رمــــــــاد
رد مع اقتباس
المشاركة الأصلية كتبت بواسطة حيدريه الهوى
