گلي اشلون
لاتحسب ملح لازاد لاماعون
وافيتك عمر تاليهه بيه اتخون ؟
يانوع الصلافه البيك من يالون
اهديلك فرح تهديلي دمع اعيون!!!
گلي اشلون
كل ظني ولك محسوب عاليوفون
وگفت الشماته ابابي ويحنون !!!
گلي اشلون
علي الشمري
گلي اشلون
لاتحسب ملح لازاد لاماعون
وافيتك عمر تاليهه بيه اتخون ؟
يانوع الصلافه البيك من يالون
اهديلك فرح تهديلي دمع اعيون!!!
گلي اشلون
كل ظني ولك محسوب عاليوفون
وگفت الشماته ابابي ويحنون !!!
گلي اشلون
علي الشمري
قرريت ارفع قضيه
اعليك يم قاضي الهِوه
يالخَذت زهرة شبابي...
وعمري وي روحي سوه
يالكسرت اگليبي ترضه
اتعوفني ابلايه دوه !
انه اسهر وانه اداري
وتالي احصل بس نوه
علي الشمري
ياهضيمه وضيعت بيج العمر
وداعة الله طشريتي اسنيني
هواي كالولي حچي ماصدگيت
لان ابيض گلب وتعرفيني
دافعت عنج لحد ماضلي حيل
وبالغدر عگب الوفه اتجازيني
چنت اناطر جيتچ يوم اعله يوم
وهسه جيتچ شو صفت تجويني
خوش جازيتي التعب ورباتي ذيج
بساعه نزلتي الدمع من عيني
احچي گولي وسولفي شنهو الجنيت
وآخر احچايه الچ سمعيني
انتي من يامله اريد اسمع جواب
حته اذا من مِلتي اعوفن ديني
علي الشمري
موفق أخي
مبارك لك الأفتتاح
شكرا لتواجدك في مدونتي يا اختي الغاليهالمشاركة الأصلية كتبت بواسطة زهرة الكاردينيا
ابوذيات لشعراء من مديتنتي
صخر ما ينثلم طبعي...گواني
واسايس دنيتي مسايس..گواني
تريد اهموم..احملك..گواني
واذا مو للحلگ ردهن عليه
ستار الحربي
................................................
عفه عيني التصد شخصك...وتاره
وعفه كلبي شكثر تحمل...وتاره
اجي لمحبتك تاره...وتاره
اردن واذكر شسويت بيه
الراحل علي ستار الحديدي
..................................................
ترف كلي اشتبي من الزيج...لشتاك
اتكفض مستعد بالصيف...لشتاك..!!
وحك من عزل بترتيب...لشتاك
انسبت لشتي بهواك شلون بيه
الراحل سالم الدباغ
..................................................
عجب للحين عندي اعيون...يارن
وﻻ بطل دمعهن دوم...يارن
يعين الله دليلي حمل...يارين
الدهر واطبك جفه احبابي عليه
الراحل السيد رسول
..............................
لمن يا عين هليتي...وسلتي
وراح الجان الج سلوه...وسلتي
غزوني وفرهدو عنبي...وسلتي
وذبو جتلت الناطور بيه
الراحل صادق تويه الحسناوي
...........................................
عجب ما سمته يوسف...لحسناه
اسيره ونرجي لعطفه...لحسناه
لون سمه ابطرف شفته...لحسناه
وندوف اشفافنه اباجي البجيه
الراحل هاشم الحاشوش
..................................................
ابات الليل باجي العين...مهداي
وتهت مندل طريجي منين...مهداي
انشأت بالضيم يوم البنو...مهدي
اكبرت والضيم بعده يلح عليه
الراحل السيد رسول
..............................................
وحك الكاف هاء ياء عين...صدين
اعيونك بس الك يا ترف...صدين
صفت روحي كزازه ابين...صدين
يا ساعة انكسر وتحير بيه
الراحل محمد علي جلاب
هويتك من طرف واحد ولك حس
والك صوتك عذب كلش ولك حس
ابهواك انطيح
ورقه ابريح
تعال اوياي ... شجره اوماي
طر ممشاي
اظل اهواك ....
عهدي اوياك
ما انساك
اشما طول زمن فرگاك
دحط ايدك على گلبي ولك حس
تشوف اسمك نبض اصبح اليه
علي الشمري
غازلته وغازلتني ...
واجمل ابيات الشعر هم سمعتني
جنه واحنه ازغار نلعب .... زاد شوكي وعذبتني
ودمرتني
وعلعلتني
ومن حجت مخطوبه انه ... وجنهه طركاعه واجتني
غازلتني
علي الشمري
تانيته ريلك حمد ... شو طول اغيابه
وخلصت كل العمر .. ومكابل اعتابه
لايرضه يرجع الي ... ولا هو البخت جابه
ناذر نذر لو يرد ...ترخصله عيني درب
ورموشي تصبح جسر .. وافرشهن ابابه
تانيته ريلك حمد ... شو طول اغيابه
علي الشمري
حوار بينهما ؟؟
.....
هو .. الو
هي .. الو .منو؟
هو _شلونچ
هي _تفضل منو ؟
هو _ناسيه؟
هي _شنو ناسيه
هو _ناسيه؟
هي - هاي شبيك شنو تقصد وضح صوتك ما جاي اسمع ؟
هو..
...........
شوضحلچ بعد خـــــــــاطر تفهمين؟
گبل چان بسكتي البال سارح
...
ما يحتاج اوضح صــــــــــــــوتي وياچ
صوت جروحي اشوفه هواي واضح
فهمــــــــــيني شعجب ما غزر وياچ
طعم شفاي چان هواي مالح ؟