هنا

[محمد العراقي1]

افتتاح موفق ومبارك​

[علي الشمري]

محبـــوبي ويازهرة عمـري
ويا احلى ايامي ودنيـــــاي
يا اجمـــــل ماشافت عيني
وضل صافن رسمك ويـــاي


علي الشمري

[علي الشمري]

افتتاح موفق ومبارك​

شكرا يا صديقي انرت المدونه

[علي الشمري]

معذور ..... بس ابيا عذر
اتصد ... تجافي ... من أمر !
جنت ارتجي منك وفه
تاليهه طلعت بس غدر ؟؟
معذور .. بس ابيا عذر
معذور كَلبي الأمنك
وشكَد غشيم وصدكك
تلعب عَليه ثاري ولك
دمرته تالي بالسهر
معذور بس ابيا عذر

علي الشمري

[علي الشمري]

همت ودخــــت بمحبتــــك ...
تجــــــري انته وي انفاسي
ولــــو زيدت اكثـــــر بعد ...
اسمـــــــــك مِلك احساسي
صدگني قطعه امن الگلب...
صرت انته واجمل ناسي
اسكر وادوخن من تمر ...
وبحبـــك اشرب كاسي
مـــــرات اشوفنك تجي ...
اصفن ويفتــــــر راسي
وتاخذني رجفات العشك ....
من راسي ولحــد ساسي
نوبات تحچيلي بعشك ....
ونــــوبات احسك قاسي
لعبة ورق بيدك صرت ...
ومتاني يوصل داسي ؟

علي الشمري / 2014/10/4

[أغرد بهمس]

نسيت وتيهت روحي وهم بيك
وحسافه العمر خلصتة وهم بيك
خويت وضيعت ناسي وهم بيك
اطلعت جذاب وهم تضحك عليه

[علي الشمري]

شنهو انتي
امنين ما باوع اشوفج ... صورتج حته ابصفنتي ؟؟
شنهو انتي
مَلك ومصورج ربي .. ابهيئة انسان انتي صرتي ؟؟
شنهو انتي
اعيونج تحير ضواهه ... او حيرت عيني ونظرتي ؟؟؟
شنهو انتي
صوتج الموسيقي اسمعه ... وجنه بتهوفن عزفتي ؟؟؟
شنهو انتي
احلى من الكمر وجهج ...يضوي اكثر لو ضحكتي ؟؟؟
شنهو انتي
خصر يتمايل واظن .... اشما يميل الريح ملتي ؟؟؟
شنهو انتي
دايخ ابرسمج وحاير ... لوحة الموليزا انتــــي ؟؟؟
شنهو انتي شنهو انتي
علي الشمري

[أغرد بهمس]

وثيقه بكل فخر كلبي وثق لك
جبل ما شفت باخلاقك وثقلاك
الك يرخص دمع عيني وثق لك
الكلب لمن يدك يوكع بديه


يلا كافي عبث
كل التوفيق

[علي الشمري]

عجيبه الناس گامت ماتَعرف اتحب؟
وعجيبه الــي تحبه ايگــوم يدلل
وعجيبه الي تضحيله ابعمر وسنين
يجازيك ابجرح ويگوم يتمندل
ياعمي العشگـ مو هيج يمعودين
أذا اتريد أتعَرف شنهو العشك اسأل
أسأل قيس .. ليلى وروميو وجوليت
ابمدرسة العشگ ذوله اصبحو اول
روح اسأل الليل واهـ من الليل
چم عاشگ يظل للصبح يتغزل
عجيبه الي تحبه ايكول والناس
وانه الي جنتله كبل وناس
سلب عكلي وخذاه ابليل وناس
تعال اشبيك رد عقلي اليه

علي الشمري

[علي الشمري]

جنت كاعد وحيد امعاشر الصفنات

صفنه اجيبني وصفنه التوديني

مااحسب الدنيه ولا احس بالناس

مشاعر خاليه من الشوك تدريني

كَلبت انته حياتي وغيرتهه اهواي

بالحب والعشگ صارت موازيني

اتنطر الجيتك واحسبلهه احساب

واحسب بالدقايق يمته تلفيني

ومرات الدقايق جنه حفنه اسنين

تمر من دون وجهك حيل تاذيني

ابقه امناطرك كل لحظه مو كل يوم

مـــــر شوف الاثر باقي ابحياطيني

غيرك ما هويت ولاعشگت انسان

بس انته الوحيـــــــــد الي تسليني

علي الشمري