هنا

[علي الشمري]

يانــــــزوة عشك خلتنه مفضوحين

ويا اول جــــــــرح تيهني عنواني

ويا اول درس علمني معنه الخوف

ومــــــن خوفي بعد سديت بيباني

الشمري

[علي الشمري]

يالناكر عشرتي الدنيه هم ادور

وباجر هم ترد مكسور تتوسل

بس صدك بعد ماخذ عهد عالروح

بكد دمعي النزل لازم اذلك ذل

علي الشمري

[Zainab.H]

بالتوفيق^_^

[علي الشمري]

بالتوفيق^_^

جكرا جدو

[علي الشمري]

ينشدوني عليك هواي شمات
واحاجيهم واكلهم حبــــي اسميك
هويتك من زغر ما اكدر انساك
ولا فد يوم اكدر انسه طاريك
يا اجمل عشك ظل ساكن البال
ويا اجمل رسم بعيوني اخليك
تعال العين طلبت شوفك اليوم
اوتناطر عالدرب صدك تهم بيك
شنهو الاخرك طولت الفراكـ
مو تعرفني احبك وانه هاويك
ولتعيد المضه او لتكلب الفات
كل الـــــراح راح وانه ابريك
خل نبدي بجديد نعوض الفات
وخلي ايدك ابأيدي وانه اداريك
وماعوفك ابد واقسملك ابهاي
صدكني حبيبي بروحي شاريك

علي الشمري

[علي الشمري]

مر بيه محتاجك ضوه ...
مو تدري ماضلي اعيون ؟؟؟
مر بيه لو شهكة هوه ...
واتنفسك يالمزيون
مر بيه اريدنك دوه ...
حته الجرح كله ايهون
مر بيه لو مرة حلم ...
واغفه اعله رسمك بس كون
مر بيه لو مرة طفل
ابحظن امه اليساوي الكون
​مر بيه

علي الشمري

[علي الشمري]

بديت اشتاكلك يالماتحس بالشوك
وبديت اتأملك ياساعه اليه اترد

ما مليت هجرك ماشبعت افراك
مو تدري الهجر بكليبي ظل يمرد

يا اول عشك مافاركيت البال
ابنص بستان زارع حبك امورد

علي الشمري

[علي الشمري]

يبنت الناس ... عندي اوياج
كومه اسوالف احجيهن ؟؟؟
عتاب الشجره ويه الطير ... رايد يمج اشكيهن
يبت الناس ... اخذتي عيوني رديهن
​مشن مني غفل .... طلعن وراج ابليل
صار اسنين اتانيهن ... درديهن ؟؟؟
يبت الناس عندي اعتاب ... كومه اعتاب
شماتي التدك الباب .. اوتصيح ابصوت
​ها (محبوبك اشكد غاب) ؟؟؟؟
وخلصت الدمع فد نوب ....
وماظلت دموع وخاطر ابجيهن
يبت الناس ... هذني اجروحي شوفيهن ؟
ومناطر تداويهن
وانتظرج تداويهن


علي الشمري
مجرد شخابيط

[علي الشمري]

تانيته ريلك حمد ... شو طول اغيابه
وخلصت كل العمر .. ومكابل اعتابه
لايرضه يرجع الي ... ولا هو البخت جابه
ناذر نذر لو يرد ...ترخصله عيني درب
ورموشي تصبح جسر .. وافرشهن ابابه
تانيته ريلك حمد ... شو طول اغيابه

علي الشمري
خربشات قلم

[علي الشمري]

يم داركم
فراني ديلاب الهـــــوه ...
ولن جدمي راح البابكم
وخطيت بجدامي ندم ...
وانه اشتهيت اخباركم
وتعثرت عثرة طفــــــل ...
صـــــــــدكني يم اعتابكم
خلص عمر وازيد بعد ...
صار اشكثر ما شامكم
ماصدكت كلشي انتهه ...
اورد كلبي راح الداركم
ومشتهية روحي اعتابكم
اوضلت صور تذكاركم
يم داركم

علي الشمري