وفيت اوياك لاخر نفس بس مر
جفيت وصبح بالدلال بس مر
عشرتي اوياك بالحيطان بسمار
وصفت حيطان كلبي للاذيه
علي الشمري
وفيت اوياك لاخر نفس بس مر
جفيت وصبح بالدلال بس مر
عشرتي اوياك بالحيطان بسمار
وصفت حيطان كلبي للاذيه
علي الشمري
افتتاح موفق ..متابعة بصمت ..
هذنــي ادمـــوع عيني كلمني
وادري السبب مني وكله مني
تدري الزمن بعدك كله مني
شبابي وفرحتي وذبني رميه
علي الشمري
افتتاح مبارك
سنعبث هنا
فلقد سمح لنا بذالك
مرحب بكِ في كل وقت يا جليسة الزمانالمشاركة الأصلية كتبت بواسطة جليسة الزمان
افتتاح موفق ..متابعة بصمت ..
شكرا جزيلا
لاتعتذر
لاتعتذر خليني ادورلك عذر
وانت كلك عذر من جدامك لحد الخصر
ومن خصرك لحد الصدر
ومن صدرك لحد النحر
وشفايفك من تعطش تنكط خمر
لاتعتذر وتفزز جروحي الغفن ترة مابيهن شوية صبر
الناس من تنذر نذر تشعل العشرة من الشمع
وانه اشتعل كلي الك فدوة ونذر
لاتعتذر
حلفتك بهذا الشهر
حلفتك بهذا السحر
حلفتك بكل المواقف والصور
حلفتك ....................... لا تعتذر
لاتعتذر
مدونتي تكتمل بتواجدكمافتتاح مبارك
سنعبث هنا
فلقد سمح لنا بذالك
شخبطي براحتج
من النحيب اعليك ذابت مهجتي
واكثرة يهواي عگبك ونتي
..............................
من النحيب اعليك اعيوني انعمت
ونار هجرانك ولا ساعه انطفت
تغلي بالدلال ماظنه ابردت
من رحت لليوم زادت علتي
..............................
من رحت لليوم ماشفت الهنه
اليوم بفراكك علي صار بسنه
چنت اظن انساك متوهم انه
شلون انه انساك وانته رويحتي
...........................
شلون انه انساك يانبع الحنان
وانسه كل كعداتنه بذاك المكان
والله من اذكر انه ذاك الزمان
تهيج روحي وابقه اجر بحسرتي
................................
تهيج روحي بغيبتك بسك هجر
ونار هجرانك بجسمي تستعر
كافي اترجاك مو راح اندمر
وبسبب فرگاك سالت دمعتي
....................................
ابسبب فركاك ماشفت الوسن
وجروح بالدلال ماظن ينمحن
سهام هجرك ماخطن من صوبن
صابن الدلال زادت بلوتي
علي الشمري
گلولك نسيتك تعقل شلون!
وهذا الگالك كل عقله ناسيك ؟!
ولك حته القصايد صارن وياك
أكتب عالعراق وتطلع عليك....
ردت أنساك حته بنومي أرتاح
وأغمض جفني ويمرن طواريك..
وتمر يم باب عيني وتحچي الدموع
وتمر يم باب جرحي وينخبص بيك...
وتخضر تايه بلون المحطات
ويتانيك القطار ومايتانيك..
واشوفك سيف ماتندل الجروح
وتكسر خاطري وبجروحي أدليك..
هذا حدي اوياچ ماضلي خلگ
صار فتره وتحچي لازم نفترگ
تدري من اتروح روحي تحترگ
وتعمه عيني ومايظل بيهه ضوه
...................................
تعمه عيني ويختتك بيه الهوه
وانته تدري ابشوفتك ليه دوه
دهري ويه الروح صدگني التوه
وخلگ خلص ضاع صدكني العمر
...................................
خلگ ماضلي بعد ضاع العمر
شبه نخله ومن تهز مامش ثمر
تدري شنهو ايصير لوبيه تمر
انذر اسنيني اويه روحي لشوفتك
...................................
انذر اسنيني اعله دربك بس تجي
اعيوني تدري لشوفتك تشبع بچي
وينه حچيك ذاك مو چنت ارتجي
ماتفارگني ولا لحظه تغيب
..................................
ماتفارگني ابد شنهو الجره
اجه غيري لبير حبك ورتوه
هم حچيت اوياه عن حبنه ودره
وشنهو كلك عفيه من عفته اومشيت
...................................
شنهو گال ورحت وياه بعجل
نشوف باچر هم يوافيكم يظل
من تفر دنياك ويضيع الامل
وتبقه وحدك لارفيج ولاحبيب
...................................
تبقه وتعضض بديك بكل ندم
وتنتظرني وتدعي ارجعلك حلم
وانته تدري الدنيه مليانه الم
ماامرك طيف لو شنهو يصير
...................................
ما امرن طيف تدريني صعب
كبار احنه وتدري بطلنه لعب
اشربنه نخب افراكم حد الچعب
لاتضن نرجع للاول هم نحن
...................................
لاتضن نرجع الاول شوفتك
تدري ظيم بظيم صارت عشرتك
من كثر ماطال صدك غيبتك
والله بطلنه العشگ كلش تره
...................................
علي الشمري