هنا

[فقار الكرخي]

أفرزنهن عدل ..
وعزلهن الخشنات...
واخذ كل ثكيله..وراكزه..وتازه..
أعرفهن....وأجيهن...
جيه مستنكاه...
ماحب الوجوه .....المالهن ....عازه......

[سمراء من قوم عيسى]

تدري ليش اويـاك اتحرش واعيل
لان كلش احبك وافرح بـــــــــردك
وذا حتى بكلامي اتشكك ارجوك
تعال وشوف حصتك ياهو البكدك

[فقار الكرخي]

و يامه گتلچ
هو مو كل مگفه فرگة
مگفة چفي بوجه بابچ دگته ملگة

[فقار الكرخي]

رموش عينج
من تطبكيهن سوه
ألكاعد اكبالج تجي نسمة هوه !!!

[فقار الكرخي]

وينكم يهل السوالف ماتجون
روحي يبست ماكو عدكم سالفه

[فقار الكرخي]

ربي عذراً من رخصتك ...
ارد اكلك .... فد كلام ....
اني اصلي وحتى اصوم .
وكلشي اعرف بالحلال ... وبلحرام
ترضى 5 اسنين احبها .... وهسه يم غيري .. تنام 

[فقار الكرخي]

طبع نخله اذا ترموني بحجار
اذب تمري واخليكم تدنگون
اصيرن ريح اذا بيكم تشب نار
واچملكم حطب لو ردتو تطفون
مثل اكل الحطب من تاكله النار
ياكلني الوكت ونتم تضحكون

[فقار الكرخي]

كَــــالولي
الصبـــــر مفتاح ....
غلطه وصدكَت بيهه
ياهو يردلي عمري الراح .. حتى السالفه انهيهه
شابع ظلم مامرتاح ..حركَه بحركَه كَاضيهه
ادم ياكل التفاح !!!
وانه اتحاسب اعليهه

[سمراء من قوم عيسى]

بيني وبين روحي من أرد اسولف بيك..
وعلى بابك تريد الروح تاخذني..
شكثر مشتاك أشوفك وأكعد وياك..
وريد وياك ابقه شماتعذبني..
مثل ناروحطب بفراكك الروح..
وخاف يطول بعدك والنار تحركني..
تعال وشوف بيه جم جرح صار
وماهم بالجرح فركاك كاتلني.

[سمراء من قوم عيسى]

كولشي اخذ وياك لو رايد تروح
اخذ حبك والفرح والذكريات
لاتخليني جرح فوك الجروح
انت بس ذني العفتهن كافيات