هنا

[متفائله]

لا تهتم بعد للقيل والقال
وهاي الناس بطرانه بحجيهم
يراووك الذهب ويصفالك اتراب
ومو ذنبك أبد والخله بيهم
عمي شبيكم انتم وشنهو تردون؟
لعنة ع الحجي ولعنة عليكم
اي فعلاً أحبه وأحب طاريه
وأحب نسمة هواه الماهو بيكم
فلا تهتم حبيبي وخلهم ينوحون
والله بضحكتك يكثر بجيهم
ومو ذنبك أبد أنته أحسن الناس
ولا ذنبك تجيني وما تجيهم
بس كَول الحسد مذكور بالقران
ولهذا السبب زايد حجيهم
خسران الأخذ بحجاية الحساد
وخسران المشى بجذبة مشيهم

[متفائله]

ماريدك بعد لو جبت كل الراح
من كلبي شلعتك مابقت ذكره
كونك تسوه جا طاولت خلكي ‏وياك
بس شفتك زغير ومو حمل عشره
جربتك شفت ميت احساسك جان
لأحساسه قوي تكفيه بس نظره¬
عليمآ جنت احبك راجعيت‏اهواي
الهواï؛€ منيروح تزعل وركت ‏الشجرة¬
جاملتك نعم بس ماضحكت عليك
ردت بكل ادب توصلك ‏الفكره
صح راح انقهر بس مجبر اتناساك
انة احساسي ورد يفوح بس ‏عطره

[متفائله]

مدري ليش ارتاح للوجه الثكيل
ومدري ليش يروح وأبقى مناطرة
انه عكس الناس اموتن ع القليل
بس المصيبة هواي اعوف لخاطره
وحيل كاعدلك يبو إحساس البخيل
كعدت الجف أعله وجهي الساطرة
ولله ما اكدر اعوفك مستحيل
اشلون اصوم كبال عالم فاطرة
كبال بيتك يا حمد شميت هيل
وصوت كهوة ودمع ناس امسافره
من كثر ما انتجي وما بيه حيل
صاير انسه جفوفي فوك الخاصرة

[متفائله]

دخت بيك وحيرتني
انته يلي مرمرتني
عايش بروحي وتشاكس
وحدك انته جننتني

اشكد ترف انته حبيبي
والعذوبة كلهه بيك
من ابوسك بالشفايف
وبغفل بوسه تجيك
هيج احس كلشي بكياني
ذايب بلهفة عليك

وتدري طبع الطمع بيه
والوكاحة اشكد قويه
يعني مو بوسه وحيده
واقتنع بيهه بشهية
محتمل مليون بوسه
وهم بعد أطلب هدية

[متفائله]

بله شنهو تريد أحجي؟
يله كَلي شنهو أكَول
انته دمرت العشكَـ
والورد صار بذبول
دمرت كلشي بديك
بيت وانهد بسيول
دمرت أحلى المعاني
والضوه أصبح سدول
معرفت تحفظ عشكَنه
وحققت كلمة يزول
وحطمت أحلى المشاعر
وبيدك أحركَت الحقول
وانتهت قصة عشكَنه
الجانت محيره العقول

[متفائله]

انسى كل الصار بينه
وخلي نبدي شي جديد

وخلي ننسى كل حجينه
وما نكررهه ونعيد

هي تسوه الدنيه نزعل؟
ويبقى واحدنه بعيد

منو مخطئ منو صح
منو أكثرنه العنيد

مو مهم والله يغالي
المهم بس المفيد

والمفيد آنه أحبك
وغير حُبك ما أريد

المفيد بنبضي عايش
وتنبض بنص الوريد

المفيد الكَلب دونك
والله مالحظة سعيد

المفيد اسهر ليالي
واذكر العشكَـ العتيد

المفيد الروح يمك
بعد فهمني شتريد؟

هذا حبي ياحبيبي
والله كل لحظة يزيد

وأقسم بحُب الجمعنه
غير حُبك ما أريد

[متفائله]

انته يالكَلبك حنون
انته يا حلو المعاني
انته يانور العيون
فدوه لله هالمحبه
فدوه لله هالجنون
ساحر انته ياحبيبي
وبالسحر عندك فنون
وبدلالك فاتن انته
وازرعت بيه الشجون
واشعلت نيراني كولهه
واللهب أصبح إتون
فدووه لله أشكد أحبك
انته ياضي العيون
وراح أظل للموت أحبك
يعني حُبك للمنون

..

[متفائله]

انته يلي ذوبتني
انته يلي جننتني
أكتب احروفي الك
ياكَمر ضوه الفلك
انته ياعمري ملاك
البُعد عنك هلاك
بيك بس يحلى السهر
انته يا أجمل بشر
***
ياحبيبي شبيك انته؟
الكَلب وحدك سكنته
منين خايف؟
وليش خايف؟
العمر بيدك ملكته
والمكان الانته بيه
منو منه يقترب؟
روح فتش ياحبيبي
شرق عندك والغرب
هيج من الله خلقني
كَلبي بس انته ملكته
***
شما تمر ايام بينه
وتمضي بينه هالسنين
الك بس وحدك حبيبي
أجمل آيات الحنين
انته حُبك شيء خيالي
ساكن بكل الليالي
ولو غبت فد ليله عني
أكَضي هالليله بأنين
الك وحدك هالحنين

[متفائله]

فرحان بوجودك ياحبيبي اليوم
منور يغالي بأجمل الوان
انته الشمعة انته واسمك النور
تغار الشمس منك والكَمر غيران
تدري بالفرح يحلالي بس وياك
وافرح كلش افرح والكَلب فرحان
تهيم الروح بيك وتكتب أهواك
ووياهه الكَلب ياعمري هيمان
أحبك ياحبيبي ومكَدر ابلياك
أحبك ياحبيبي من كَلب والسان
من تغيب عني والله روحي تغيب
وابقى الليل كله بحزني سهران
وسهري بس الك وعيوني ذبلانات
وأحس الكون كوله ويايه حزنان
تدري اشكد أحبك؟ بكثر حُبي اوياك
شما كَلت الوصف صدكَني غلطان
أحبك أكثر أمن الروح والعين
وبعد أكثر بعد يا أجمل الألحان
ياعطر العطر مو بيدي أحبك هيج
ولا بيدي اذوب بحُبك الفتان
مثل ماكلت حبك قدر مكتوب
الله مقدره من سالف الأزمان

[فقار الكرخي]

اجه الليل وبدت تتغازل العشاك
وانه مرتاح خالي البال صافي
كبل جان الگلب يعشك بنظرة عين
واليعشگ صدك بالحب يوافي
ضاعت كلها هسه وصارت انترنيت
بدون احساس نكتبها القوافي
كلمة اني احبك صارت هواي
وصفت تنگال مابين الاسامي