هنا

[متفائله]

لا تبجين ...
قسمتنا اشتهتنه ‫#‏بعاد‬ ؟؟؟
.
والدمعه التطيح بليل , ,
تكسر واهس الكحله !!!

[ياسر الاسمر]

يروحي دوم لتضوجين سري
الخاطر وابد لتبوحين سري
انه البلمدرسه مشمور سري
شجاني ببابهم صبح ومسيه

[متفائله]

گالولي تحب گلت اليحب مو عـــــــــيب
الما يــــوفي بمحبــته تكثر اعيـوبــــــــه
وادري باليحب يتحمل اللـــــــــــــــوعات
ومن دمعه اليـــــــهله ايـصير مشـــــروبه
گالوا ياطبع مرغوب للعشـــــــــــــــــــــ اك
گلت طبع الحــــــــــبيب يصون محــبوبه
گالوا وصفه المحبوبــــك بأيجـــــــــــــــــاز
وگللّنه الصفـــــــــــــات البيـــه مـــرغوبـه
گتلهم صعب وصف الحبيــــــــــب بساع
لان قلعه حبيبـي ومن ذهــــــــب بوبـــه
يشع نوره بكماله وبالحســــــــــن ايات
ومن اسمه تحس بيه اجــــمل اعذوبـــه
يسري اويه الدم حبه ويغــــذي الـروح
وعالفطره محبتـــي بلوح مــــــــــــكتوبه

[متفائله]

أوگــــف...
خلي أعد وأحسب أمس
عندي شهگة بس وگــف بيهه نفس
چنت مرتاح من أغنّـي ابلاية بــال
بس صرت عگبـك مثل ذاك الرفـَس
أوگــــف...
عندي بس شغلة لضميرك
گلي من مديت أيدك للذبح
هم تسَميت بعشگنه ،، لو گبل حان الذبح
الله لا ينطيك يالتاركني ليـــــــش
ماتخاف الفوگـك يحمسك حمس

[ياسر الاسمر]

بحلم شفته وصحتله ارجوك بت بيت
يمي وكطعالي الكلب بت بيت
تركني وصار حالي حال بت بيت
متيه وحولت عد كاوليه

[متفائله]

مااريده اعتــــــــذارك لا اســـف لا اه
جرح المن كبل ارجــــــــوك لتعيـــده
مطعون اعله مودك انه الـف سجيـــن
من عندي يخايب شنهـــــــو التريـــده
جي كتلك احبك هيـــج بيـــــــه يصير
مليت الصدى ومن صـــــوت ترديده
صارت عندي نغمه معاتبـــــك يفلان
لحن كلش جميل ومحــــــد يجيــــــده
عمي انه ارد اكرهك حتى كلبي يهـيد
عود انت بمحبتـــــــك باجــــــر تفيده
حيل ويـالكلب مختـــــــار نار الشوك
شسويله اليـ خلي اعلــــــه الجمر ايده

[متفائله]

مو صوجك ابد لا بيه كل الصوج
كـلبي بهالمواقف هوّه ليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح انت خطيـه ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وكلبك ما يدك فد يوم صدكنّي
وما تعرف بعد محبوب مثلي يصير
واذا واحد يصحلك مثلي عاتبني

[ياسر الاسمر]

بنص تموز احشم اب ما جاب
الهوى ضاك وسالته ليش ماجاب
شماله الجابلج نيشان ماجاب
بدربه السدر والكافور اليه

[ياسر الاسمر]

شجاك تغيرت وبگلبك انته شصــــار؟؟
جنت تموت بية وجنت تعــــــــــبدني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شسولفلك بعد؟ طعم السوالف راح
ردت منك توافي وخيبت ضنــــــــــي
ردت منك توافي وخيبت ضنــــــــــي

[ياسر الاسمر]

تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأ كضاها بس يعاين عليك