وقَلد عمه عباس!!الشاعر حسين الساعدي
الاكبر ينبض احساس--وقَلد عمه عباس
صاح ابصوت
والزلزال بيهم
انه الموت
ومكَدر عليهم
اليوم انثبت الساس
وقلد عمه عباس
:::::
هو الموت مَدري الموت بيده
ويتخير ولا يخطي اليصيده
عليهم صارت الشرده بعيده
وصاحوا هذا تربات الصميده
هذا الهاشمي امنين؟
الفرح كلب الحسين
ويشبه خيرة الناس
وقلد عمه عباس
:::::
صاح ابصوت ياعمي عليهم
انه الميسره ومناك اجيهم
وانته الميمنه وشتخلي بيهم
انه اوياك موت ونعتنيهم
نمنع عنهم الصوت
موت ايسابك ابموت
اله ابكطع الانفاس
وقلد عمه عباس
::::::
يازينب وحك ضلع الزجيه
بينه وما تموت الغاضريه
وانه وعمي هجمتنه سويه
ونتشارك سوه ابهاي المنيه
روح اتبادل ابروح
شركه ابكل الجروح
بينه اتسولف الناس
وقلد عمه عباس
:::::
انه الفصلت ثوب الشهاده
ويلوك الفخر لاهل القياده
ومبخوتين من يوم الولاده
ودنيا واخره والنه السياده
نضحك ضحكه للموت
نسوي الحومه تابوت
ومامنه الييطخ راس
وقلد عمه عباس
::::
حسين الساعدي
رد مع اقتباس
