ربح من واله ابو الحمله وزراره
علي اليمحي عـن الـوَده وزراره
علي بخم نال مـــــن اللـه وزراه
واتنصب خليفه ابهــــــل المسية
يَحي دار
يَحَي دار النِجــب حيدر يحي دار
و حَي در الرضـع منـّـه يحـي دار
يحيدر صيــح يا سامــــع يحيــدر
وزير المصطفى وصهره ووصيه
وَصَـلـَّه
نجح من دار ابــو الحملـه وصله
وحبل عقد الولــه بالــــود وصله
خير الصـام واتصـــــــدّق وصله
علي الكرار حمّـــــــــــاي الحميه
وملهه
أنه العنـَّـك أبـــــد مسهه ومَـلهه
علـي يا منقـــذ الدنيـــــه ومَـلهه
يمن چفه الشمــــس لمَّن ومَـلهه
رجعت وأشرقــــت لجلــــه زهيه
وعدله
يمن ما أخلف العــــاهَــــد وعدله
علي القرآن تـم صنــــــوه وعدله
خليفه ومنصـف وعــــادل وعدله
صُبح مقيـــــــاس أوحَــــد للبريه
ولايم
علي الما همه حِس عاتـِب ولايم
ولا مثل البعـَــــض هَمهُــم ولايم
علي المو يم هوى الهاوي ولايم
زخارف دنيته الوصخــــة الدنيه
وسيله
أريد أكمش گلـُـــب گلبــي وسيله
وكت دمّه اعله حب حيدر وسيله
علي مَـن يتخــــــذ نهجــه وسيله
أكيد ايفــــوز بالرتبـــــــــه العليه
زكي الياسري في ذو الحجة 1434
رد مع اقتباس
عاشت ألأيادي