هنا

[ارجع يازمان]

زينب يا غريبه--ماضلت مصيبه
راحو للحشد شبان
واحدهم نبع ريحان
والعايل نجيبه
وماضلت مصيبه
::::

انتي الحره بارض الشام
ياهو الكال مسبيه!

يابت حيدر الضرغام
إوبالعباس محميه

واحنه انقاتل الظلام
بالغيره العراقيه

زلزال
ونجيهم
نكلبها عليهم

ضربتنه وتصيبه
وماضلت مصيبه!
::::

رجعنه الطفوف اليوم
واهل البيت ويانه

همه النصرت المظلوم
كلهم حضروا اهنانه

ذلينه العدو المهزوم
شوفوا اشلونه ملكانه

وبصوت
المواليين
يرعب اسم الِحسين

والنخوه العجيبه
وماضلت مصيبه

:::::

حطو عالركاب اسيوف
واحنه انصيح ياحيدر

ذاكَ البحرب معروف
واسمه اليرهب العسكر

والله وما منعنه الخوف
نركض ركضه عالمنحر

صالوا
عالمنايه
عشاك الولايه

ومحبوب وحبيبه
وماضلت مصيبه

:::::

ثارات الحُسين انريد
ويه المهدي ناخذها

وشما دلسوا ميفيد
هاي المنه شاهدها

والمهدي وضهوره العيد
هو الشيعه قائدها

وتلوك
الشهاده
لانصار القياده

والطله الرهيبه
وماضلت مصيبه
::
حسين الساعدي

[النقيب]

شكرا للكلمات الجميله