هم سلام الله تعالى
وأسألكم الدعاء.
زكي الياسري النجفي 10 ذو الحجة 1434
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
1
آيات نزلت بالوحـي عالــــي قــدرهـه
جبريل من رب السمه جايب خبرهــه
يا طه بلغ ما نِزل واشــرح صورهــه
اعلن ولاية حيـــــدرة وبيـِّن فخـــرهه
حيدر خليفه ومنصِبـــه والي أمـــرهه
واللـه النفوس الحاقِدة يكفيـك شــرهه
ياعلــي آيه .... اتنـزلـــت .... ياعلــي آيه
بيعـة ولايـه .... اتنـزلــت .... بيعــة ولايه
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
2
متواتِره إبكـل الكُـتــــــب هاي الروايه
واتناقِلت بيهـا الأمـــم نـــار اعله رايه
يوم الغديـر اتوضحــــــــت كل الخفايه
حيدر أمير اعله البشـــــر بيده الهدايه
حيدر أمان الكــم يقـــــي مِـــن العمايه
حيدر ملاذ اليلتجي خــــــــوف الغوايه
والباري قرَّر .... بالأمـر .... والباري قرَّر
تعتلي المنبر .... بالأمــر .... تعتلي المنبر
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
3
والهادي شال ايد الوصـي الوادم تشوفه
گـلهم كما الكعبـه علـــــي فــــاز اليطوفه
وبصوت مسموع وجلــــــــي سَمّا خليفه
من الله صدرت وانمضت رتبــــه شريفه
من بعدي واليكم علي .. مو بالسقيفه !!
وابسقر باچر ينشمر كلمــــــــــن يعوفه
والنبي صَرَّح ... للوصي ... والنبي صَرَّح
من بايَع أفلح ... للوصي ... من بايَع افلح
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
4
بمرسوم مـن رب السمه حيدره اتنـَصَّب
خليرضه بيه الي رضا ويغضب اليغضب
هذا المنير اهل السمـــــاء اتشوفه كوكب
هذا المجاهـد والبطـل هــــــــــذا المجرب
من غيره هدحصن اليهود بيوم ضهضب
وبذو الفقار ابضربه وحـده شطر مرحب
رمز البطوله .... والفخر .... رمز البطوله
الله ورسوله .... والفخـر .... الله ورسوله
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
5
مَن كنتُ مَــولاهُ بقــــــت محـــور قضيه
واكبر دليــل ومُستنــــــــــــــد للرافضيه
تثبت خلافــة حيــــــــدرة خيـــــر البريه
من طه ناده بيهــم ابنبــــــــــــــرة جليه
ياربي والي الي نصـــــــر حامي الحميه
وعادي اليعادي المرتضى امن الناصبيه
تاج الزعامه .... والمجد .... تاج الزعامه
نور الإمامـه .... والمجد .... نور الإمامـه
هذا غديــرك .... ياعلــي .... هذا غديــرك
منريد غيرك .... ياعلــي .... منريد غيـرك
زكي الياسري النجفي
رد مع اقتباس
حلووو عاشت الأيادي