طفله وعافوني الربوني!!حسين الساعدي
المستهل
طفله وعافوني الربوني
مارحموا دمعات اعيوني
والعله العاشت وياي
اتعثر حته ابممشاي
وتصايح بلكي ايسمعوني
طفله وعافوني الربوني
:::::::
ومودعتهم باخر شوفه
ساير ياظعن الاحباب
وبدلالي اتعيش الخوفه
راحوا للموت الغياب
ولعباس امودعه اجفوفه
والغيره االهاكد تنهاب
ودعت احبابي
ابهليله
ماضل الاكبر
واشكيله
ومامرتاحه ابهاي اظنوني
طفله وعافوني الربوني
::::::
يابويه احسين ابهلدمعه
ودعتك يابويه الغالي
بغيابك كلش متصدعه
يابويه وما تدري ابحالي!
خاف اتروح ومالك رجعه
وابقه ابدمعاتي التبرالي
يابت احسين
المظلومه
بالغربه وضلت
مهمومه
يايوم أحبابي ايلاكوني
طفله وعافوني الربوني
:::::::
كالولي الاكبر وعلومه
ومطبرينه اكبال احسين
والعريس الطب للحومه
بدمومه امحني الجفين!
ياعبد الله الحلوه ارسومه
مذبوح وغمضها العين!
يادنيا ابحالي
اشسويتي!
مامنهم واحد
خليتي
وياهم كون ايدفنوني
طفله وعافوني الربوني
::::::
والاخبار اشخلت بينه
جابولي اعلومك هالناس
كالولي ابكطعت جفينه
ومتكطع عمج عباس!
ياسهمه الماعايف عينه
والضربه الطاحت بالراس!
ياعمي وجفينك
وين!
وانه اتباهه
ابهلجفين
خاف العدوان ايذلوني!
طفله وعافوني الربوني
:::
حسين الساعدي
رد مع اقتباس
جميل أحسنت