هنا

[رمـْـْْـْــــــــآڊ]

اشير على الرجال وعلي منشار
وضلعي ما يگصه اثنعش منشار
وين اطير وين تحط شركي عليك منشار
الزمك لو الك جنحان ميه

[رمـْـْْـْــــــــآڊ]

يعت بيه الدهر مرات وانعيت
وعلى ضعون الجفتنه صحت وانعيت
يهل الطير البچيت الربع وانعيت
نعاك اللي نعاني اعلى الوطيه

[رمـْـْْـْــــــــآڊ]

انه الگايم لعد گومي ونخواي
وبيهم ما نفع صوتي ونخواي
الناس تلوذ باخوتهه وانه خواي
اگطعوا ما گطعت الشمات بيه

[رمـْـْْـْــــــــآڊ]

شربت التتن وانشبلي سعالاي
مريض ومحد امن اهلي سعالاي
نخيت امن الله والعباس سعالاي
زرگ رمحه ومرگ طيبه عليه

[رمـْـْْـْــــــــآڊ]

خذت عگلي يداحس واسره بيها
لذبهه بنار هجرك واسره بيها
شبه ست الزبيده واسره بيها
اغلطت ثاريها ليله العامريه

[رمـْـْْـْــــــــآڊ]

جرح گلبي يلاهي شوكت يلتم
جفو وصفيت مثلك يخي يلتم
لون نعرف شملنه شلون يلتم
وحياتي مطمع ولا بالدنيه

[رمـْـْْـْــــــــآڊ]

جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه

[رمـْـْْـْــــــــآڊ]

گلبي يلوع ما بطلت ونته
هلال العيد هل وراح ونته
يولف اصباي انه بذچرك دوم وانته
خايب بالوصل تبخل عليه

[رمـْـْْـْــــــــآڊ]

الدهر طگني ودعه بگلبي يراحاي
الدهر بدل دم السابج يراحاي
الدهر بالچ تامنينه يراحي
الدهر غدار وافعاله رديه

[رمـْـْْـْــــــــآڊ]

اخبرك حيل بيه بعد ماتم
عليك وبالگلب منصوب ماتم
شبابي وعز شبابك بعد ماتم
وخذك مني غفل سهم المنيه