هنا

[رمـْـْْـْــــــــآڊ]

وحك اللي وگفله الطير واحماه
ومن نحره يفوح المسچ واحماه
شفت حي دخل عالميت واحماه
كتل ربه ولا منه خطيه

[رمـْـْْـْــــــــآڊ]

وحگ اللي طعم للطير وذره
ومن نحره يفوح المسج وذره
شفت حي دخل عالميت وذره
كتل ربه ولا منه خطيه

[رمـْـْْـْــــــــآڊ]

لابد ما الك عالدار مرات
واخبرك بالليالي شكثر مرات
مو مره خنت وياي مرات
وعندك امل تعود اليه

[رمـْـْْـْــــــــآڊ]

[رمـْـْْـْــــــــآڊ]

اخوتي الچنت اودهم دوم يمناي
عگبهم ما تهوش اعداي يمناي
گمت اصفج يساري فوك يمناي
على ابن امي السره تحت الوطيه

[رمـْـْْـْــــــــآڊ]

غذاي الصبر والحنظل لهاماي
تشب النار من جدمي لهاماي
وين اليمله الجربه لها ماي
يطفي النار البگلبي السريه

[رمـْـْْـْــــــــآڊ]

همت بالبر يسار امشي ويامن
وراح المفرح كليبي ويامن
ويباجي العمر وين اگظي ويامن
گظيته بذل يلاهي التفت ليه

[رمـْـْْـْــــــــآڊ]

وحك راس النبي والحسن والحاج
وعلي نكبات دهري رواف والحاج
يشامت گوم شب نارك والحاج
وخلي شما يصير يصير بيه

[رمـْـْْـْــــــــآڊ]

علي دگي يوالدتي وناحي
ذبل عودي الچان يزهي وناحي
لا تفرح يهالشامت وناحي
افرح لو سره الجناز بيه

[رمـْـْْـْــــــــآڊ]

الدهر طگني بهامه ولاخر
صب دمع عيني ولاخر
صرت مثل العبرت واحد ولاخر
حالت بينهه وبينه المنيه