هنا

[رمـْـْْـْــــــــآڊ]

وحك رمضان وصيامه ولمساك
ابد ماملن صباحك ولمساك
يسويها البخت خايب ولمساك
احس الجنه صارت بين اديه

[رمـْـْْـْــــــــآڊ]

ملاك من السمة نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انتـــه عــســـل لازك بديه

[رمـْـْْـْــــــــآڊ]

ابتليت انه بكلب ضالم وهاجر
مثل بلوه النبي بســـــــاره وهاجر
وين انه انطي وجهي وهاجر
وانه حتى البجي يبجي عليه

[رمـْـْْـْــــــــآڊ]

بدمع عيني اكتبت خاطرانه
والك ما يوم كاسر خاطرانه
غير انته تجيني خاطر انه
اجيلك معتني زحوف اعلدية

[رمـْـْْـْــــــــآڊ]

كلبي مافضى لغيرك وفضلك
وروحي مانست طيبك وفضلك
اميزك بين الف صاحب وافضلك
ويضل حبك اثر مطبوع بيه

[رمـْـْْـْــــــــآڊ]

تغيب الروح بغيابك واردها,,,
كتاب جفاك من عندك وردها,,,
روحي بفركتك يذبل وردها,,,
شمس انت وتنور الدرب ليه

[رمـْـْْـْــــــــآڊ]

أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

[رمـْـْْـْــــــــآڊ]

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

[رمـْـْْـْــــــــآڊ]

أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه

[رمـْـْْـْــــــــآڊ]

احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه