لان شافوك واحد رادوا
يقسموك
ولان شافوا جنوبك صاحب
شمالك
ولان شمسك اصيلة وشركت بنص
ليل
ولان غيم وضباب وشافوا
هلالك
ولان شافوا شبابك كتبوا بفد ايد
ولان صارت نسائك وحدة
رجالك
ولان شافوا طفل يكتب
ب(يالله)
ولبس صاية امام وصلى
باطفالك
ولان تاريخك انت مجمل
التاريخ
ولان بيك الشجاعة وصولة
ابطالك
شفت..!شكو كتابك رادوا
يحرفوك
ونثروا عالغلاف حروف
اقوالك
. شافوك العراق الماوطيت
بيوم
عنوانك عباية وتاجك
عكالك
دمك سيلوه وي كهوة
الفنجان
وديوانك سبوها وكسروا
دلالك
لان شافوك سني وتحزن
بعاشور
ولان شافوك شيعي تصوم
شوالك
. ايدك جتفوها وحكموا عليك اعدام
سجنوك وتهمتك وحدة
اجيالك
. طفلك يتموه وي فرحة
العيد
وعيديتك خذوها وبجوا
عيالك
. وجيرانك اخوتك ماهزهم اللي يصير
ولا واحد اجاك وكلك
شحالك
نسوا انت الابو اليحظن اولاده بشوك
ونسوك شما جنت وشجانت
احوالك
اصبر لاتكول الراح يمتة
يعود
ولا تفقد رجاء وتكطع
امالك
عذالك تنوك شوكت راح
اطيح
دخيلك لا تشمت بيك
عذالك
تظل انت العراق الفارس
الكرار
وهيهات العرب ما تنجب
امثالك...
رد مع اقتباس
