السلام عليكم
كثره الكتابات الصغيره التي اكتبها احببت ان اجمعها في موضوع كبير وممتع بتنوع الاشكال الشعريه ...
اولا : ابوذيه ذات بندين مرتبطين بالمعنى والقافيه ... البند الاول بدوي والثاني حضري
يسايج بالضعن وجف . لنه خوه
ولونه المالهم غيره . . لنه خوه
يحادي والدهر حاله . لنه خوه
كظوا بالذبح واشهد . . بلاهم
يريت الموت ماخذني . بلاهم
لحظه عيوني ما تقفه . بلاهم
ترى بس لو قفت تعني المنيه
(( السلام على عقيله بني هاشم ))
ابوذيه مطول ...
عمه عين الزمن بالدم . هوانه
نده نشتم اجروحــه ابـ . هوانه
كطع امالي
وخذه الوالي
وكل غالي
انوله اكبالي
اصد العين
اشوف حسين
والعباس
جااا وين
ويل سائل نسب خمن . منهو انه
هوانه بنت القلع بيبان اميه
*****************
ثانيا : شعر على وزن (( النايل ))
مرتاح لا لا جذب ... جمله وحجاها السان
ما بين شمات وجرح ... رحمتكم انه انسان
زين وحمل هل الكلب ... نار الهجر كفران
ما يقبل الجرح الشرع ... مذكوره بالقران
************************
ثالثا : شعر الموشح ...
الشغله اكبر من حجي
يا عمي باوع للجرح
شلتني شل بفراكها
وملت عيوني من البجي
ريتها احجايه وتهون
وريت تنساها الضنون
تيهت روحي ابمشيها
اطيح كل ما تنتجي
*********************
رابعا : قفشات عراقيه منوعه
من كثر الدمع بعيوني ما ضل ماي
احس حته الدمع متعاند ابروحي
امس جان اليجي بس يطب صلى
هسه بالباب ويكلك كنكولي
ولد ادم احنه ودوم ما نقنع
و اسنين ونموت وكلنه ميتين
ثابر ابخيراتك الدنيا امتحان
وقبل لا ايفوتك اوانك مهده
حته لو موحلوة رايدها ابفخر
الطامع بالكلب متهمه لشكال
**********************
خامسا : ومضات عراقيه منوعه
معقوله هذا اخر وداع
يعني ما اشوفك بعد
تدري نار ابكلبي تسعر
وادعي يحضرني الوعد
اوف يا دنيا الهوى ودنيا الدمع
غيبه المصلح بعد والصبر طال
دنيا ما بيها امل بس الظلام
ما يقاوم بيها بس صبر الجبال
هيه هيج العشره تجرحني وتروح
ومن يسئلونك ترد مالي غرض
همه اهلك هيج علموك الاصول
اتخلي بغيابك كلب ما بيه نبض
**************************
سادسا : شعر شعبي حر (( بعض من مقاصير ))
هيج انه واكف
وهيه كظت ايده
واكف ابعيني يتيــــم
مات ابوه
وامه راحت
ضل يباوع بس اخوه
مشتاك ايزور المكبره هيه تريده
**************************
اتت الى قبر حبيبها الشهيد وهي تعاتبه ... قالت له :
ها ولك """"" !
شو عفتني ابليله ضلمه ؟
وكلت وياج راح اكظي العمر ...
روحي يمك ... ليش ساكت
يله وضحلي العذر ،،،،
امشي لو تحجيلي هسه
كافي مليت انتضر _((((
لحضات ويخرج صوت من القبر .... قال لها :
هااا يروحي بعدج هنا لو مشيتي ..
هيه كطره ماي عاكسها القدر .
قالت له :
اشلون اروح واعدت روحي اعله بيته هنانه يمك تنطمر ....
قال لها :
والله ما نيتي اعله هجرج وانتي اعرف بالهجر ...
انتي نجمه وليلج ايسارح هوه ..
وانت شمس الناس تحتاجك ضوه ...
انتي لوحه امبينه ذيج بلايه لون ...
انته بوابه حلم تعني الجنون ...
يله ما نيتك تروح يله اترجاك ما اكلك امر """"
قال لها :
والله لو اكدرها هاي ,,, جان حنيت اعله كلبج
بصمه مرسومه ابنصر :
قالت له :
اهلي راحوا ؟
يله كوم !
هاي ايدي """""
انطيني ايد وايد طر بيها الكبر
****************************
قال : الله ياخذ روح كلمن اخذ منه ارواحنه
قالت : والله يجرح كلمن الجان السبب بجراحنه
***************************
الَلَيِّلَهّ مًوٌعٌدٍنِهّ أّلَأّخِـيِّر
يِّعٌنِيِّ مًأّ أّشُـوٌفُـجّ بًعٌدٍ
بًلَجّـنِ أّلَلَهّ أّبًحًأّلَيِّ يِّرحًمً
نِأّمًيِّ بًأّجّـر عٌلَ أّلَوٌردٍ
وٌأّنِهّ روٌحًيِّ مًعٌلَعٌلَهّ
يِّلَهّ بًأّيِّ
خِـلَ أّروٌحً
أّتٌـأّخِـرتٌ
أّلَمًکْبًرةّ أّتٌـخِـأّبًر عٌلَيِّ مًسِـتٌـعٌجّـلَهّ
******************
كلولها الرفضتني امس ما اريدها
خلي ذاك الي خذاها ايفيدها
ضاعت وما ضل حلم
موت ابنهايه هل الفلم
غلطه حبيت وبعد ما اعيدها
نتمنى ان تكون قد نالت اعجابكم وذوقكم الرفيع
تقبلوا ابسط ما كتب هنـــــا فهذه مجرد شخابيط
لـــ رمـــــاد ــــ
رد مع اقتباس
المشاركة الأصلية كتبت بواسطة حفيدة هتلر
