الليل طوّل يا حمد ويـنه الريـل
الـدنـيا ظـلمه والمحطه ذلــيـله
لا نار قهوه يا حمد لا ريحِ هيل
لا خل يدري عن فعايل خليله
بين المحبه والدغش حبلٍ طويل
وما عاد لفروخ القطا سنبيله
اخر عُرى العبرات ببعادك تسيل
والعهد زهرة في غيابك ذبيله
كلن على همه سرا عابر سبيل
وكلن بلغ وطره وأدرك سبيله
إفلت ديارن ما حَسبت إنها تشيل
تلعب بها الغربان والخبـيـله
جتنا عجاجن مثلما عرمة السيل
حصد الجراد الما يبقي مجيله
ياما نصحناهم واستكبروا حيل
واضحت حصادن والهوى يذري له
يا راكب الهودج ويا من به نزيل
الحادي ضيّع والبعير يحدي له
نصحى على اخبار الذبح والكل جتيل
ولا يعرف الجتال منهو جتيله
افرش شليلك من هل العلوم وشيل
وفي لحظتين اخبار تمله الشليله
كلمن على رقباننا تسلط يطيل
كنا نثايى وهل الوحيده فحيله
الهم ذبحني يا حمد وانا كهيل
اشكي بعاد اهلي ولا بيدي حيله
وش مزعل عيون العنود المكاحيل
اللي تحت رمشه ظلالِ ومقيله
في بسمته طهر الظباة المطافيل
وفي صدته زئرة هزبرٍ غليله
وفي قسوته ضربه سيوفٍ مصاقيل
وفي رقته عطر الورود النحيله
سبحان من خلاك مني تستقيل
ومركب هوانا بيدك انته تقيله
وش مزعلك عني وانا عندك صميل
وفي هالزمن من وين تلقى الصميله
والله وامانه ما عرفت التواسيل
وقلبي على الصدمات باعه طويله
وش مزعلك يا ترف يابو الخلاخيل
وتدري بغلاك انته يعادل قبيله
وكانك تظن اني عليك القى بديل
من وين الاقي طهر ملفعك والشيله
وعذالنا يا ترف فيهم مناعيل
الله يجير القلب من هـم دخيله
ناسٍ تظن الخيل كلن له صهيل
تساوي جدم مبروك بحافر جليله
اللي خلص عمره مع الكدش يخيَل
ما راح يعرف وش معاني الاصيله
واللي رضع من الوفا ماظن يميل
ولا ترتجي من فم حقود الفضيله
رد مع اقتباس
المشاركة الأصلية كتبت بواسطة أوراق شاعر
