لاتهاجر
لاتهاجر وابقه بأرض اولايتك
الوطن مجروح هسه ابعازتك
هيه ازمه وباجر اتعدي وتروح
واحنه ولدك لازم انداوي الجروح
الغربه صعبه وراح تسلب راحتك
لاتهاجر وابقه بأرض اولايتك
أشلون تترك ديرتك وأمك وأبوك
والحبيبه وصحبتك جارك وأخوك
من تروح بعيد ماتكدر تنام
وأمك ويه الدمعه تهديلك سلام
والزمن تعبها حيل وداعتك
لاتهاجر وابقه بأرض اولايتك
لاتكلي أنهاجر ونكدر نعيش
الطير مايكدر يطير بلايه ريش
أبخوف راح اتعيش متشوف الامان
أهناك غربه وناس ماتملك حنان
أحمي كاعك علي بيدك رايتك
لاتهاجر وأبقه بأرض اولايتك
للشاعر جبار العامري
رد مع اقتباس
