على إعنادك احبك وابقى وياك
وأمر كلساع من بابك واغث بيك
واصيح بصوووت احبك واكسر الباب
وإذا تطلع اكلك إنته شعليك ؟
على إعنادك احبك وابقى وياك
وأمر كلساع من بابك واغث بيك
واصيح بصوووت احبك واكسر الباب
وإذا تطلع اكلك إنته شعليك ؟
بطولك المزيون تمشي بلا نظير
ويا درب تمشيه كمله وفوته
ولو مشيت ارجوك لا تنظر وراك
لان تلكه الناس كلهم ابموته
انت من تمشي الحسن يتغنه بيك
وبس عليك الورد يقبل ينشمر
وانت وحدك دربك يصفك وراك
ويسكر بطبعات جدمك من تمر
شكد كصير الليل من صار بكفاك
وطال من انطيته من شعرك شبر
امس خطار طيفك جاني بالنوم
وخفت نور الصبح يفتحلي عيني
عكَدت رموش جفني ووصله شديت
ونخيت الشمس تغفه وماتجيني
كلبي حبك كبل لاشوفك واجيت
مو لان طبعك حلو ودمك عسل
هو هذا الحب فلا ميز خليل
انطيني عاشك من صدك دور علل
هو لو بالعقل يبحث عن دليل
يادليل اليقبل تقدس هبل
اتحمل ذنب واقبل حجي الناس.
يا اجمل ذنب متربع بروحي.
واذا حبك جهنم امشي بي مجنون .
ادنك يم جهنم واحرك بروحي
لاتطالبني بأمر بي معجزات
لأن ماعندي گلب يتعذرك
تريد مني اذكرك شي مستحيل
غير كون انساك حته اذكرك
بگلبي اتسابقوا لعبوا الحلوين
خسرت كلها بالدور البدائي
وانته بلا لعب صاعد على الكاس
بحلاتك ربك مصعدك نهائي
آني ماشايف مثل وجهك جميل
وهيچي مثل عيونك آني ماشفت
من گلتلي اهواك مدري شبية صار
هيچي واگف وحدي وبوحدي طحت
آنه من ظهرك شفت بيك الجمال
وجيت اشوفك حته اصدگ اضنوني
ومن درت وجهك علي وتبسميت
شكر من وجهك طفر بعيوني