حبل بلساني ربطو حتى ما احاجيك
ورادوني اعوفك وانته تنساني
سمعو عيني تحجي اتكول احبك موت
شتتوقع يكلك لو فكو الساني
حبل بلساني ربطو حتى ما احاجيك
ورادوني اعوفك وانته تنساني
سمعو عيني تحجي اتكول احبك موت
شتتوقع يكلك لو فكو الساني
تغطيت وبعدني الليله بردان
ابرد مو لان مو انته وياي
خيالك يغفه يمي ينام تعبان
تالي الليل يبرد ياخذ غطاي
ترهدن بالمشي من تمشي بين الناس
يالمشيك يلوك بمشية القاده
بس احسب احسابك من تمر وتفوت
التفت شوف الوراك احتركو اجداده
اريد اني الاحبهه عيونه وساع
ملاك من السمة تنشر الطيبة
وبيج تجمعت كل هاي الاوصاف
شنو رايج تكونين الحبيبه
ادري من اشوفك ترجف اعضاي
والم كلي اعلى كلي والبد بسدي
التفت خدي اعلى خدي وباسه مجبور
لان بوسات شفتك باقيه بخدي
ماي منتظرك تجي شو مااجيت
لاتموت الكاع تتيتم فلح
روحي فراشه اعتنت مليانه شوك
ليش ورداتك خذن دور الرمح
رايح انته وادري من رايد تروح
راحتك جرحي ودموعي الهامتك
بس لان رايد وصيه وياك عود
مر علي علمود تاخذ راحتك
راويني اشعمل بيك انته الفراك؟؟
ولك لاله اعلى بختك خل اراويك
جفك من رماني بسهم الفراك
تيهني السهم كتله انة ادليك
خجل مني السهم من شاف الجروح
صرخ كلك جرح جا وين ااذيك
راح اغرك ابشعرك لوردت ماموت
دنيلي الشفايف وانقذ الغركان
طولك مستقيم الدنيا تحلف بيه
بس خصرك فضحنه بكل وكت سكران
دورت كلبك شفت مالي مكان
وين وعدك مو كلت بانيلي بيت
جنت اكول راح من ملكاك اخجل
وخجلتني بكلمة اشعندك اجيت
لاتسد بيبان كلبك عالغريب
اني راجع من عساني مااجيت