أعزك واختلف حته بسلامي وياك
ما تسأل علية شلوني مالوني ....
دشيل ايدك علية وشوف ردي شلون
ماردلك سلام اشمرلك عيوني
أعزك واختلف حته بسلامي وياك
ما تسأل علية شلوني مالوني ....
دشيل ايدك علية وشوف ردي شلون
ماردلك سلام اشمرلك عيوني
على نار انتظر ومتاني الاحباب...........
واندك باب بيتي والكلب ذاب...........
عود طلعت للباب افتحة ...........
لكيت الباب طالع فاتح الباب............
شوف اني ابمحبتي شلون افكربيك
وشوف وياك ياحلم الحلمته
افكر خاف اموت وتلاكه ويه اموات
اواحد من هذوله ايحبك انته
المصيبه هوه يمي ويحجي بس بيك
والتكتلك هوه ميت وشلون اموته
معـذور لكلمن يريد يقدم الاعتذار
انا دومي اسامح ما طول بيَّ نفس
تاليها تصيربس الآخره هي القرار
والدنيا ما يحبها غير بس النحس
حبنه للاسلام عشق ويقين واصرار
والما يؤمن بدينه يبقى بالدنيه نجس
صفت مثل المسلسل عشرتي وياك
وجزت حلقات من عدها كثيرة
وانه من الحلقة الاولى تولعت بيك
واظل اهواك للحلقة الأخيرة
عذرا ماامدحك خايف من الناس
وتدري الناس عدها حلوك مفتوحه
لانك روحي انت وخايف يكولون
شكد مغرور هذا ويمدح بروحه
ماشبهك گمر هو ايتشبه بيك
أم الگمر چانت بيك تتنسه
ومن گد ماحلو لمن تمر بالناس
تگوم تغني حته الوادم الخرسة
مآ’كوٍلن إحبك .. انا ميت بيك
لأن هذا الورد منّك اخذ عطره
لأن بيك الگلب متعلّگ و مجنون
لأن گلبي يدگ من اسمك يمرّه
لأن عشگي إلك مو عشگ ليله و يوم
الله الخلق حبك بيّه بالفطرة
بگليبي ولدت و كبرت و حلويت
بگليبي زرعتك من چنت بذره
اشوف الغزل بس للحلوين مطروح
وأشو آني محد بهذا الكون غازلني
هوى العشاك من يمي يمر ويروح
ومن دون الخلك عن حبه عازلني
ردت منك وسام واشــو ما قدرتني
من سوك مريدي اني اكدر اسويهن
لاهنَّ من خشـب صاج مصنوعات
ولا هنَّ من حديد حتى تريد تلويهن
بس عالورق وبقلم الوان مطبوعات
ردتـك للمبدعين وبزودهـم تهديهن