هنا

[رمـْـْْـْــــــــآڊ]

من گالوا إجه الكل طلعوا ايكرضون
والبيبان طلعت هيه والعتبة
ومن گد ماحلو لزموا سرة ايسألوه
شنهي انته حلاتك صدﮒ لو چذبة

[رمـْـْْـْــــــــآڊ]

جرب تبقى وحدك وقت الغروب
او شوف اشكد وحشته ابليه محبوب
او شوف اشكد برئ ابعشرتي وياك
وانته ابعشرتي اشكد شايل اذنوب

[رمـْـْْـْــــــــآڊ]

تعال بكل وكت تلگاني موجود
بس كونك تجي مو ما تجيني
واذا ماجيتني هم تنحسب جاي
لأن موجود انته بوسط عيني

[رمـْـْْـْــــــــآڊ]

عليك الله التفت خليني اشوفك
ولو لحظه بحياتك حطني عالبال
يالطولك مثل مدري مثل من
لأن ماكو اليشبهك بين الأشكال
صدك احله واحد انته بالناس
وأذا ما صدكت ينحل الأشكال
اذا حورية احط وبصفك اتصير
بالنسبة لجمالك جنهه رجال

[رمـْـْْـْــــــــآڊ]

ما نگدر نوصفك حتى بالأشعار
جبل من نوصفك مانگدر نلوحك
لذلك جبنه ورقة وقلم وانطيناك
وانته براحتك ظل وصُّف بروحك

[رمـْـْْـْــــــــآڊ]

كلبي يعوفني وبدروبك يروح...
اروحن عود اجيبه ويشرد يخاف:
كلبي اشكد غشيم بسدك يلوذ...
لأن يلبد وراك وانته شفاف:

[رمـْـْْـْــــــــآڊ]

ليش عفتيني ونسيتي وليش ضيعتي السنين
وليش ماهزج ضميرج دمعتي وذاك الحنين
انتي مو كلتيلي ارجع يمته يمعوده تجين

""
2.الحبيبه
انه ماعفتك حبيبي انت ماتدري بعذابي
الدنيا بعدك حاربتني وذبلت زهره شبابي
انت لاتعتب عليه وياك ماينفع عتابي

""
لاالومج وابقه اعاتب يل نسيتي وعود حبنه
لاتكولين شبديه وذنب وكتي ومو ذنبنه
احنه ذبلنه المحبه وشوك حطينه بدربنه

""
فدوه لاتقسه بعتابك انت كل عقلك اعوف
وانه احس روحي حمامه وبس على ديارك تطوف
وزرعت حبك بكلبي اي ليش خضر بيه اوف
وعيني من حاربهه شوفك حرمت بعدك تشوف

""
جان حبك سر وجودي معلك امالي عليج
هسه ضيعتي المحبه وانه هم ضعت من اديج
رحتي بس مااخذتي روحي جدمي مايخطي ويجيج

""
من ردت اكتب عتابي تبجي وياي الحروف
جان سيف الدنيه ضدي واحن من كل السيوف
انت لو فعلا تحبني جا صرت عكس الضروف

""
ياضرف واحساسي شاعر حزني وي احساسه بات
وحبنه راح وماله رجعه وبقت بس الذكريات
ياحياة العنهه تحجي واحنه كلشي البينه مات

""
موتت حبنه بسهوله وبالعجل شفتك نسيت
اتضح حبك روايه وبيهه بس انه الهويت
انه مااريدك تردلي انت من كلبي انتهيت

[رمـْـْْـْــــــــآڊ]

ماأكتب قصيدة اعليك للدوم
قلمي اوياك ابد ماگعد حظه
باول بيت أكتب وانته عالبال
ومن اسمك أكتبه تصير ومضة

[رمـْـْْـْــــــــآڊ]

إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟

[رمـْـْْـْــــــــآڊ]

شفتك ماگمتلي بساعة المريت
بية الصوﭺ وانته من الذنب خالي
خدرانات أدري من التعب رجليك
هلگد ماتروح وترجع ابالي