انه مو بس عيوني افرشهه رمل
روحي هيه التنفرش لمن تفوت
كلي حاله اشلون ليودع حبيب
خفت اجيك وكبل ما ودعك اموت
انه مو بس عيوني افرشهه رمل
روحي هيه التنفرش لمن تفوت
كلي حاله اشلون ليودع حبيب
خفت اجيك وكبل ما ودعك اموت
من اصفن عليك الوحدي باليل
من حسرت صفنتي تفز حياطين
واهس عندي اموت كبال شمات
مثل واهس حمامه بكبه الحسين
الماصافح شمس,, حريته بيها اشكال
الريه الحاقده عله الهيل,, مختنكه
ماهم للسوالف ,,بس احس مطعون
و المطعون خنجر توجعه الشهكه!!
جم مره جيت أنخاك وتردني مندوم
ألينخه ماينخاك ينخه ألله ويكوم.!
( 1 )
انه احجيلك واعرفك مو امين
ولحبيبة كلبي وديت الحجي
رايد ابجي وانت تنقل بس كلام
فدوة حاول بلكي يوصلهه البجي
ليش تكسر خاطري ؟چي مشتريك!!
وآنه لجلك روحي ماحاجيهه
گتلك امسح عيني غركت بالدموع
ماگلتلك حط اصبعك بيهه
جملني بعد كطره 00 وخذني وياك
هناك 00 الفيض كلبك 00
حتى روحي تنام
عصفورة جرف 00 بلل جنحها الكيض
اخذني وياك
امشي ابغير واهس 00
والطواري كصار
وعيوني غرب 00 وجفوف اديه اوداع
واسمي 00 ابغير معنى 00
وميل كحلك غاب
وتنشدني اعله كلبي !
كلبي حب وذاب
مااكلك احبك بطلت مليت
لان كلمة احبك زيدت نوحي
مويعني اكرهك لاولك موهيج
راح انوب اكلك يابعد روحي
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
احرست بستان خدك عن لايبوكوه
وشفت حاله غريبه اتجسدت عندك
خدك من حلاته الشفه تاكل بيه
دسيجها الشفايف مو كضت خدك