"خطار قلبي"
لاموني على ضيمي ..
المادروا بالضيم ..
واني لخاطرك ..
ما انطي بسرارك
وحسدوني عليك ..
واني كلي اجروح ..
ومتحمل لعينك ..
وجع بسمارك
لو بالخافي يدري اليعتب اعلى الروح
چان ابعينه شاف ....
ابگلبي آثارك
تحملتك جرح .....
والون ، أون بسكوت ..
وفوگ الجرح هسه
اتطالب ابثارك !!
هاك الروح بيدك ..
وانت حر شتريد ..
سوي اللي تحسه ..
ايطفي الك نارك
معذور اني اعذرك ..
لأن گلبي وياك ..
خطوة .. بخطوة يمشي
ويعرف اخبارك
شجاني وماحضنتك قبل متروح؟
عفتني وغيبتك صارت طويله
شجاني وماكلتلك ألله وياك؟
بقيت أنتظر ليلة بأثر ليله
رحت بس من رحت خلصت الدموع
وشلت الروح بيدك فرد شيله
ونسيت الأبتسامه وفرحة العيد.
لأن ضحكاتي بغيابك صارت قليله
بعد هم عيني تفرح يوم ملكاك؟
لو جمعتنا صارت مستحيله!!
هاي عيوني عمت من يوم الفراك.
تكول يمرنه ؟ لو أحنه نجيله؟
چنت اتاني بنيه احبها
وحدي عافتني ومشت
..
ابابهم چنت انه واگف
اجه الليل وما اجت
..
بس شفت رجال اجاني
وروحي فتهه بحچيه فت
..
گلي عمي متاني واحد
شو وگفتك طولت
..
گتله اتاني فلانه تطلع
أمي من راحت بچت
..
وگلي عمي الله يصبرك
عمي هاي ازوجت
..
گالها وخلخل گياني
ودمعتي المضمومه هلها
..
چنه حطني بنص جهنم
ذوب عضامي وعدلها
..
وگتله وين الگاهت هسه
شلون اگدر اوصللها
..
حتى لو موهيه گلش
عادي اسولف ويه ضلها
..
وما اطول واحچي گلشي
والله بس مبروك اكلها
..
وگلي ما اندلهه صدگ
گلي روح اسأل اهلها
..
وردت ارووح وصاااح اوووگف
هاي اجت هيه ورجلها
..
هنانه صار مصاب عندي
وعيني ملايه ونعتلي
..
وباوعت لدموعي شافت
بيهه اسمهه وما اجتلي
..
وأِنَيّ اشرتلهه گلبي
وهيه بالحلقه اشرتلي
..
ورددت بغنيه چانت
والجرح لبگلبي هااااااج
..
شايفه الخير بحبيبچ
والف مبروك الزواج
إذا صابك مرض بعيونك الحلوات
راح انطيك عين وعين ابقيها
واذا طابت عيونك هم أخذها العين
تستاهل عيوني وبيك اخليها
أريد عيوني تحلم بيك ليل نهار حتا احضن
دموعك وبيدي ابديهة واذا خنكتك عبرة وردت تبجي دموع
خطية عيونك انتى عيوني بجيهة
كــــل أحلامي ماتــت بـــيه سـكته
جــم درس بــدرس علمتني الايام
ودرس حبك سهل؟ بس ما فهـمته
أحـــس مــرات انتـه الروح وياي
ونفس يصعد بروحي وما شهكَـته
واسكت من اشوفك شحجي ويـاك
لا أعــرف الحــجي ولاجنـي كـلته
السـفينه بلا بحر خشـبات عالكَاع
هيــج الكَلــب صــاير يــوم عـفته
عميت العين كثر المسح يردان
على النزلن ابوادي النهر يردان
يشمعة كون ذني البيض يردان
عبــد مملوك وديهن عليــــــــه
ماتنبت خطيطه ابغير مطره
الشجر لومه انتهه المشهاب مطره
اشلون اتولت اعلى البيت مطره؟
غير البيت راعيته رديـــــــــــــــه!
بريجي الزاد حنضل صار وشراي
وبليت اهلي بعظم بلواي وشراي
البصرشنهو يهالي النظر وشراي
ابتليت انه بحياة وناصريـــــــه
من كلمة احبك تبتعد ليش
"*من كلمة احبك تبتعد ليش
وأدري شلون تفرح لمن احجيهه
بس كلي السبب من عندي لوبيك
إذا آني الغلط صدكني ألغيهه
ولتكلي أستحي من كلمة الناس
هو آني اﻷحب الناس شعليهه
ما عندك عذر ﻻتقنع الروح
وفوكاها تحبني وانت حاجيهه
وما حبيت غيرك تعرف بهاي
ﻷن طبعي وفي وشلون اسويهه
صح غيرك جميلة هوايه الوجوه
بس بيك البراءة تعادل البيهه
حبك نار صار بكلبي ويزيد
بس الله ولك يكدر يطفيهه
*"
مــابطل مـــــحبتك يــالهمت بــيك
وكــلبي الحبك ومـا غيرك اخــتار
يالناسي العشك بـعيوني مر طيف
اريـد ويـاك اكشف كـــل الاسرار
وتشوف الكـلب وشجم جــرح بـي
ظـل باسمك يـون بي بـاقي بسمار
واريدك هم تمر لو لحظه بـالروح
وبـعينك تـشوف جــــــروح واثار
خيالك مـــــن غبت مـافارك العين
ماانسه السكن يم روحي اعز جار
تـــوالي الليل مـــر وفزز الــروح
علــى اليهواك ضيفه ابـليل خـطار
يالـطبعك مــزاجي تــحيرت بـــيك
كـــلي الياوكت ابـقه انـــه مـــحتار
