هنا

[رمـْـْْـْــــــــآڊ]

لركبتك عيني دارت لافت الهه
ومرد روحي جمالك لا فتلهه
ماتت روحي علك لافته الهه
وشهيد انحسب بس ابجي عليه

[رمـْـْْـْــــــــآڊ]

أتعارك اويه النوم
بلكي اغفه وانساك
تاليها صورة وصوت
إبحلمي الگاك

[رمـْـْْـْــــــــآڊ]

راح الچان للمحزن یساره
ومغیبه اعلی النهر اعظم یساره
گطعوا یمنته وگطعوا یساره
بلایه چفوف طاح اعله الوطّیه

[رمـْـْْـْــــــــآڊ]

وصاحت علينه الشوارع
لا..تجون
وصاحت الوادم ابد
مايستحون
مسودنين
تعرف الوادم حجينه..
بس تسد أسماعها
واحنه محد يشترينه..
وتركض على الباعها
لا..حجينه بألف شفه
ولا..لبسنه وجوه ترفه
ولا..كدرنه أنعيش يوم ملونين
وباعنه..المايشترينه
وصاحت الوادم علينه
مسودنين
مسودنين
ابراهيم الخزرجي

[رمـْـْْـْــــــــآڊ]

مليت اعتب عليك وآنت مو حاس
وأنت بلا مُعاتب آني حسيتك
أريدك يمي تكعد واحجي وياك
وآفتحلك بيت كلبي وتكعد ابيتك
وأسولفلك عليه ابعدك شصار
شلعت عيون وجهي وانت خليتك
من يوم العرفتك كرهت كل الناس
وبس انت الوحيد الاني حبيتك
زعلت مرة انت روحي وقررت انساك
بنفس الساعه جيتك واني راضيتك

[رمـْـْْـْــــــــآڊ]

عَندما لآ يهتم بك شَخص مآ ،،
إذهبّ بِ هدوءءَ ۆ غــَادرّ عـالمہَ ،،
لآ تسألہَ لمـآ ۆ گيف ۆ لآ حتي مَتى !!
فَ عندمَا يِبَرد الحٌب بيِن طَرفين فّ هنَاك طرفِ ثَالث ؛
استحوذ على حَرارة احدهمْــا

[رمـْـْْـْــــــــآڊ]

.
ولچچ أضحكي
فدوؤه لالله الحطني يمچ
وخلص سنيني بهوآاچ
بعدچ حليؤؤة وأحبج ❤
وبعدچ تخبلين والله
بزعلچ اكثر من رضاج

[رمـْـْْـْــــــــآڊ]

احبج واليحب بلوة..
وين الله وقسمتي اتروح
يم عيونج الحلوة..!!
وسولفلج عليج اهواي..
وتبلل يواهس ماي..!!
عينج يمي لا تغفة،
اريدن كون وجهج يترس
الغرفة..!!
وشتم بيج حنية..!
احبج حيل يبنية..!!
جهالي بحظنج يناون
هنيالي..،،جهالي بحضنج ينامون هنيالي
اضل جم دوب اسولفلج على العرسان من زفوهم كبالي
ويمر مني عرس كل ساع واشتمج
وانسه اتنفس واشتاكلج يمج
يبت گلبي ياوجه الماي
انه ميت عليج اهواي
اباوع واصفن بكل قوتي بعيونج
واكولن ماخذت حكي
انتي اول بشر صدكي
غورت الكمر بخدودج السمره
احب عيونج الشكره
.وين الله وعليه اهلج يحنون
وجي يم بابكم عريس ممنون
وشوفنج عروسه
واجي وانطيج بوسه
وموت كبالكم بس كون يرضون
وين الله وعليه اهلج يحنون
وزفج ع شمس ماترهم الكاع
سوالفنه برد نستبرد بساع
لتخافين ادفيج
وبين اضلوعي اخليج
وين االله وعليه اهلج يحنون
وغنيلج غنه يونس العصافير
غنه مايوم مطروق
يلحبيتج بذوق
صدك تكبر فرحتي و
وخليج بغرفتي
يربي ماتفرج عليه
حته الاحبه تصير الي
وليل يخلص من وكت
وبسرعه يطلع صبحه
ولكاها يمي مدده وستشهد من الفرحه

[اسعد محمد]

منوووووررر

[رمـْـْْـْــــــــآڊ]

تعرضت إحدى الفتيات بين قوسين (مراه معدله) الى التحرش من قبل شاب بين قوسين (مو زلمه) فردت عليه بعد ان حاول ان يضع رقم هاتفه في حقيبتها :- "ولك متستحي اني ارملة شهيد " فعلى لسان تلك الانسانه..!!
عـوفــنــي بداعت شكو عندك عزيز..
رحمه لأهلك انــي مــو مالت عشگ..
بــالــي مـــو يمي و ادور الفاينات..
جدمي خاوي وكلبي مـن حزنه غرگ..
انــت مــا عايش ابــد لــو ما هذاك..
المات و استشهد لأجل يحمي الخلگ..
تـركـنـي خايب انــي متزوجه شهيد..
مــن يــشــوفـك يمزگ عيونك مزگ..
انــت تشمر رقــم بــالجنطه تــريـد..
و رچــلـي شمر ع العدو نار وفشگ..
رچــلــي ساتــر راح يستر ع البنات..
وانــت تهتك عرضه مــا وجهك عرگ..
حجي رايــد تسمع أيونسك الــيــل..
و رچــلــي يتــونس اذا يسمع تفگ..
اشــفــت بيه وجيت تركض ع الذيال..
عيوني ملحه مــن البجي صارن عتگ..
خدودي مـن كثر التخمرش بيهه اثار..
مــن اظافر ايــدي مــن الطم وادگ..
خسفت اصفاحي مــن ابجي عــلـيه..
مــن كثر مــا الـطـم اضلوعي زرگ..
و ااااه مــن شفت العلم ملتف عليه..
دمــوعــي نزلت حبل خنگتني خنگ..
انــت تتحرش بـمـرته و هــو غــار..
رفــس گبره وكلبه مـن ناره احترگ..
يــهــدم الـطــابوگ والمرمر بصوت..
لــو يحس يــم عرضه فـد واحد لزگ..
هــو نايم يــم علي تصلبه الشموس..
وانــت نــايــم يــمـك السبلت يدگ..
انــت والمشاطه تـفـرگلك جــديــد..
و رچــلــي من شضايه سوتله فرگ..
يالبعدني اشتاقله بـكــثـر الرصاص..
وبـكـثـر ما بـيــه مـن الشظه فتگ..
بــعــده اعـثـر صايره بكلمة انسيه..
يعوضج بغيره رجــل ثـقـي وصدگ..
وياا حجي اعيالي علي صاير خريف..
هــب عليه وانــي حالي چـن ورگ..
هــو متزوج علي ادري انــه بـيـه..
ضــرتي تفگه وبيهه مفتخره صدگ..
مدنكه راسي مو حــزن متعليه بيه..
مــن يدنك راســه مــو ذله العثگ..
.
.
قلمي ‏حسين جودة