الوفه ماضاع بعده صاحي بينه
وأبد ماصاح بيهم صاح بينه
أشكد بالدنيا أوادم صاحبينه
ولاصاحب وفي مثلك أليه
الوفه ماضاع بعده صاحي بينه
وأبد ماصاح بيهم صاح بينه
أشكد بالدنيا أوادم صاحبينه
ولاصاحب وفي مثلك أليه
خلص عمري وأحس الشيب بس لاح
عداوه وهد عليه الوكت بسلاح
الموت أسباب ماهو شرط بسلاح
وانه موتي بسبب بعدك عليه
اوكــف واقسم اكبالك وحلفــاك
واناصر حزبك ودينك وحلفــاك
عكدة انت بوسط روحي وحلفك
حرز انت الي من كل اذيـــة
جذب عيني تحب غيرك وابدلا
ثــــــوب مفصل الطولك وبــدلا
اكـــص كلبي اذا عافك وابدلــة
وابدل اضلوعي اذا ش كيت بية
اريد افرمت كلبي والغي رامه
واشيل العشك منه والغي رامه
عليك انته المخطط والغرامه
لاحسنك كسر غفله عليه
يحلو الاطباع واصلني وقارب
ماعندي اهل غيرك واقارب
سفينة بالبحر ردتك وقارب
تشيل الحمل من يثكل عليه
حبك مثل للناس خلاني وعبره
ابجي ودموعي بالعين خبتها عبره
نهر حزني مكدرت بدونك اعبره
لان انت الشراع الي يقود السفينه
احبك وماهمني من أبى ومن شاء
حبي لك نادر ومامنه منشأ
الله انطاك من الجمال ومنه انشأ
وخلاك تسحر كل الإدميه
شمسك من تشرق ننسى الستاره
الله يحميك برحمته وب استاره
هسه انطيني سي سي وفد سي سي تاره
من جمالك واحقنهن بوريد ايديه
حطني وياك بالشده ظهر لك
اسوي الليل اذا غثك ظهر لك
اكص الساني لو شفته ظهر لك
اصير اخرس ولا اخون الخويه