اذا طبع العشك صاير تواسيل
ما اريد العشك وامسح هواكم..
انا بقاموس حبكم حيل غلطان
شجاني وجلبت اركض وراكم...
اذا طبع العشك صاير تواسيل
ما اريد العشك وامسح هواكم..
انا بقاموس حبكم حيل غلطان
شجاني وجلبت اركض وراكم...
ما أغرك
لئن قلبي نظيف وكصتي تعرك.
ما أغرك .
لئن ثوب الكرامه اللابسه مو سهل يتشكك.
ماأغرك .
لئن طبعي صريح واحجي طك بطك
يدهري اشما تفر بيه .
اظل بيرغ شهامه ابجفك معلك.
الحب مدرسه وقله بيك
شطار لاتعتب عليهم من يرسبون
يمكن الله بل خلق عينه عليك
ابرقه دافك شلع حط بيك الجمال
جزء يوسف من جمالك شي اكيد
مو زليخه الكون طاربلك خيال
لان مشتاقلك سموني مجنون
والمجنون اعقل مني شفته
ابوسن بالهوه المن بيتكم جاي
ولو ينحضن صدك جا حضنته
شفتك من فتت دوخت كل الناس
داخو من حلاتك والوكع حكه
واحد من فتت مسكين ضل محتار
ولك تيه اعيونه وباوع ابحلكه
يسئلني أحدهم ماذا تفعل لو رأيت دموع امك
فأقول
أحسها النار وأكبر لا حمم بركان
غضب الله يصير بطيحة الدمعة
تسمع غير صوتك أذني متريد
وأعيد يوم أذا صوتك أجاني
كون الصوت بيدي ينلزم كون
وأجيب الصوت من حلكك لذاني
اتوضة اعلة اسمك ذيج الايام
واصليلك قبل ما يلفي الوداع
بغيابك نمت أأذن تعرف شلون؟
حي اعلى التعال وارجع بساع
چويني بجمر ...
اذبحني بموس
گص لوزة محبتك من شراييني
چتفني بحزن ...
وقيود من هموم
وحافي أعلى الكزاز بألم مشيني
ذوبني شمع ...
بدموع من تيزاب
واحرگني حركك بس لا تعاديني