راح اسولف
بس شسولف
قلم يشكي اعله الورق
القلم سميته روحي
والورق صاير خريطه
روحي رسمت عل الخريطه
احروف تبجي
وقصه من أخر زمان
قصة الليل الجرح حلم الامان
قصه كتبتها الجروح بلون دم
وصارت احروفي بلابل
أنذبحن بنص الخريطه
وصوت شاعر
طلعت حروفه قنابل
معلك بصدره القصيده
وكل حرف يرثي البلابل
رسمت احروفه حقيقه
الحقيقة الزنجرت بين المكابر
ولنها صورة من الظلام
نامت بضلع المخاطر
الحقيقة
تشبه الحب بالجحيم
وشبهت لون الخيانه
بلون نرجس
وياحقيقه الماتت بكلب الظمير
ماتت ومحد عرفها
ولافهمها
الحقيقة تعرت من الزيف
بس محد يشوف
لان عين الدنيا وكحه
وغمضت عن لاتشوف
رد مع اقتباس
المشاركة الأصلية كتبت بواسطة Diyaa Nawar
