هنا

[^-^بطيخة^-^]

السلام عليكم اصدقائي ..

سؤالي هو ع الموبايل مالتي ..

صارله يومين ميشتغل امممم يعني هومشتغل بس من افتحه تقريبا ورة ثلاثين ثانيه من استخدامي اله وفتحه وحده يطفى ويرجع يشتغل ومن افتحه من جديد همين ورة لحظات يطفى ويرجع يشتغل وحده ومرات يظل يطفى ويشتغل وحده لحد ما يخلص شحن ..

طبعا اني فرمتته قبل اسبوع يمكن ومن صارت بيه هالحاله رجعت فرمتته واشتغل نص يوم ورجع لهالحاله


اكو كالو يحتاج نظام جديد واكو كالوا فرمته عند ابو الحاسوب بحيث الجهاز يصير فارغ وجديد واكو كالولي الجلكسي هو يجمع رطوبه بداخله ويكوم يصير بيه هيج وكالولي حطيه بالشمس لمده ساعه او ساعتين وراهه يشتغل وطبعا انيي رحت حطيته ع الشمس بس نص ساعه لان شمس العراق تسمط واذا اخليه ساعه الكاه مايع مختفي :/

المهم خليته بالشمس نص ساعه ورجعتله لكيته يشوووووي بحيث من احطه ع وجهي انلسع صار جنه خبز محمص

وخليته يبرد وفتحته وهم ما فاد وبقى نفس حالته ..
اكول يعني منو يعرف شنو سالفته اذا بيكم احد يعرف يكلي واكون ممنوونه اله ^_^
وسؤال طبعا ً .. هاي التحميصه خوما تزيد الضرر اللي بيه !!





اتمى تجاوبوني بسرعه :)

[حہٰسہٰوون سہےزر]

عليكم السلام
نقالج يحتاجلة برنامج اخذي للمصلح كليلة برنامج يطفة ويشتغل من وحدة

والتحميصة ماسوي شي ^^

[عازفة الامل]

هههههه اووووي سودة عليه ... : اني اول مشتريته للجهاز جان نفس حالتج ومقبلت يفرمتو بس حذفت تطبيق جنت منزلته جان هو الي يخلي الموبايل يطفي ويشتغل.. احتمال انتي عندج برنامج دتنزلي بعد الفرمته ديضربه...
عندج واتس؟ فايبر؟
واذا معندج ودي لابو الموبايلات كلشي يعرف ولدوخين نفسج هع

[روح لاتعرف اليأس]

مثل ماكال الاخ قبلي هع
الفون مالتج فاقد برنامج اساسي بالنظام ودية لمصلح او لشركة موبايلات وهم يضبطوه الج

[^-^بطيخة^-^]

عليكم السلام
نقالج يحتاجلة برنامج اخذي للمصلح كليلة برنامج يطفة ويشتغل من وحدة

والتحميصة ماسوي شي ^^

والصور والشغلات اللي بيه يعني حريوحن للنفايات ؟؟
زين شكد يحتاج تنصيب البرنامج الجديد

[^-^بطيخة^-^]

هههههه اووووي سودة عليه ... : اني اول مشتريته للجهاز جان نفس حالتج ومقبلت يفرمتو بس حذفت تطبيق جنت منزلته جان هو الي يخلي الموبايل يطفي ويشتغل.. احتمال انتي عندج برنامج دتنزلي بعد الفرمته ديضربه...
عندج واتس؟ فايبر؟
واذا معندج ودي لابو الموبايلات كلشي يعرف ولدوخين نفسج هع

اي عندي موجودات بالرام بس ممنصبتهن بس مخزنتهن بالرام .. و عندي تلكرام وانستكرام منصبتهن واستخدمهن معقوله واحد منهن بيه السبب يعني ؟؟

[^-^بطيخة^-^]

مثل ماكال الاخ قبلي هع
الفون مالتج فاقد برنامج اساسي بالنظام ودية لمصلح او لشركة موبايلات وهم يضبطوه الج

انشالله بس خلي يجاوبون اكثر حتى اتاكد من البرنامج الخلل لان كلبي مينطيني افقد كل اللي بيه

[عازفة الامل]

اي عندي موجودات بالرام بس ممنصبتهن بس مخزنتهن بالرام .. و عندي تلكرام وانستكرام منصبتهن واستخدمهن معقوله واحد منهن بيه السبب يعني ؟؟

اي طبعا اذا نسخ قديمة ممكن. واحتمال كبير همه السبب جربي حذفي البرامج ...اهاااا وصدك لتنسين اطلعين الرام ...

[حہٰسہٰوون سہےزر]

ما يطول نص ساعة ويخلص

[فقار الكرخي]

طبعا البرامج الاساسيه الي بالجهاز متروح
الي هنه برامج النضام
وحته انتي لو ردتي تمسحيهن هم مينمسحن


علة موبايلج بالبطارية
بدلي بطارية وراح يشتغل طبيعي