البصرة ام الخير والحب والسلام
البصرة امنه وكل وكت نحميها
البصرة مهما نقدم بحقها قليل
واجب بكل لحظه ونحنيها
الف خيعونه اليكظي ايامه بيج
حيل محظوظ التسامر البيها
غذوبة السياب لو مر بقصيد
مغازل بشط العرب يلقيها
الضاك برحيه يحس طعم الجنان
مثل طعم الجنه جن برحيها
بيج ريحة شيلت امي بكل صباح
يا عبير الوالدة اليحويها
ياحديثه وتوها شبيت بالحياة
نغار لو مرة الندة يحاجيها
جبنه كل ظلوعنا وصغناها سور
نراقب النسمة التمر اعليها
حديثه لاجن امنه كونها الزمان
نحط كلنه اعمارنه ونفديها
البصرة اسمج جن شعارات السلام
واجب بكل لحظه ان نحييها
شوفي صغنالج وسام اعله الصدرو
حروفج أبمجرة الدمة انمشيها
شوفي نرسم صورتج بين النجوم
لوحة ونجوم السمة تحليها
هل ذكرناج بقصيدة بكل هدوء
لوحة وبالغزل شالت قوافيها
من الكرنه حد اخر حدود الفار
نشيد دمانا بورد نسكيها
حاير بالوصف لو ردت اسولف بيج
شكتب ياقصيدة ويا معانيها
الحنه بيج مباركة وقدسيه حيل
فخر وكت جفوفنه نحنيها
رد مع اقتباس
