هذا طريق اهل البيت عليهم السلام هنتئاً لمن نال الشهاده
هذا طريق اهل البيت عليهم السلام هنتئاً لمن نال الشهاده
انا لله وانا اليه راجعون مشكورة اخت سالي لنقل الخبر تحياتي
طيب .. من بعد ما كل الزملاء عزّوا وتباكوا على الشهداء .. ما رح نفتح حوار حول الأسباب الي ادت الى هذه الأنفجارات ؟
ومنو المسؤول عنها ؟ وليش تنظم اصلاً زيارات في ظل الوضع الأمني المخترق وفي ظل حكومة تسفك بدماء العراقيين ؟
من وجهه نظري اشوف انو تنظيم مثل هذه الزيارات في ظل اجهزة امن مخترقة وعميلة هو شي خطأ .. لأن المفروض دم العراقي يكون غالي مو رخيص للدرجة الي نكرر بيها نفس الأخطاء ونخسر كومة بشر وبعدين نجي نكول حسبي الله .. الله ينتقم من الظالم .. البقية بحياتكم
هاي العبارات مالت ناس يائسة وسلبية .. ما تفكر بطريقة عقلانية تحمي هالشعب من الموت .
فعلا دم العراقيين ليس رخيص مع احترامي واعتزازي بالجميع, يفترض ان تؤجل كل هذا الزيارات مع هكذا وضع امني من خلال التوجيهات السياسية والدينية.المشاركة الأصلية كتبت بواسطة حبر السماء
المشكلة يا سالي برجال الدين الي ديقشمرون العالم .. روح للزيارة الله يغفرلك ذنوبك حتى لوقاتل ! .. روح للزيارة حتى الله يحطلك كونية ذهب بباب بيتك ومن هالكلام وهالبدع هواية .. والعراقيين بشكل عام يصدكون كلشي .. عبالهم هذا رجل الدين هو موكل من رب العالمين .. ما يدرون انو منصب روحه وسيط بين الله والعبد ..
اتمنى من كل الشباب الموجود بهذا المنتدى انو يكون واعي .. انو يفكر بعقلانية بعيدا ًعن العواطف .. ان يسأل ويدور ويبحث .. ما يضل يصدك كلشي ينكال اله
ما نريد نخسر عراقيين بعد ..
نعم .. الممارسات والطقوس الدينية حق مكفول للجميع .. لكن شوكت ؟ من يصير العراق آمن , يكدر يحفظ حقوق الناس , يكدر يحافظ على حياتهم ,من تكون عدنه حكومة تمثل الشعب ما تمثل نفسها .. شنو ذنب الأم الي فقدت ابنها والزوجة الي فقدت زوجها والأب الي فقد بنته البارحة ! ها ؟
بركبة منو ذوله ؟ ومنو حيرجعهم !!
الزيارة حترجعهم ؟ الحكومة حترجعهم !
كم بيت انسبى وانوجع البارحة .. كم بيت انهجم من شمال العراق لجنوبه ؟
يا شباب العراق .. يا درر العراق بحق .. خلوا رسالتكم وحده .. ولا تستهينون بالقلم الي لازميه.. اكتبوا وافضحوا هالحكومة ورجال الدين , ذوله مو من عدنه .. ومو ناسنه ..افضحوهم .. حتى يرجعلنا العراق
مشتاقين لبلدنا احنا
رد مع اقتباس