البنوتة الي تريد تسمن تشرب الحلبة
هلاووز بنوتات اني طبعا اعاني من انو اني كووولش ظعيفة وبحثت كوومة عن شي يسمن طبعا شي اكيد جربت المشهيات وغيرها بس مفادت وبعد بحث طويل لكيت الحلبة انو هي اكثر شي يسمن يعني بيها هواي فوائد ١- تسمن
٢- تبيض البشرة وتصفيها من الحبوب وغير
٣- تطول الشعر وتفيدة
٤- تقوي الاظافر
اهم شي الاظافر هع
المهم اني من شفتها تسمن بعيدا عن الفوائد الثانية رحت كووبل كولت لمام تجيبها الي وراحت للعطار ويمكن من السوق مدري المهم وجابتها
واني بادية عليها من البارحة والي تريد تبدي وياي هلا بيها
طبعا هسة حكتب الطريقة الي تسووها بيها :
تجيبون الحلبة تخلوها بدلة تاخذون ملعقتين صغار مال جاي بالدلة وماي وتخلوها تفور ع النار كد دقيقة وحدة بس وبعدين تخلوها ورة متفور بكوب وتنتظرون تبرد حتة تشربوها اؤ تكدرون تخلون وياها حليب وشكر وهاي الطريقة الي اني اسويها ولازم تشربوها ع الريق وتشربوها المغرب بس المغرب لازم تخلون وياها حليب وشكر
وطبعا اكو هواي طرق غير هاية بس اني اختاريت هاي لانها سهلة وغير مكلفة والمفروض انو يطلع التغير بعد اسبوع من شربها
"انشالله"
وثانكيوو اتمنى اكون افدتكم والي تريد تبدي بيها خل تكتب اذا فادتها صدوك ولا لا وشكراا
رد مع اقتباس
المشاركة الأصلية كتبت بواسطة sarah sona
