قصه اثنين.. من الطالبات اكملن الصف الاول سوية ولكن احدهما تركت الدوام لأسباب مذكوره بالقصيده..... وقد اشرت للطالبه المستمره بالدوام رقم واحد...١..والثانيه التي تركت رقم ..٢،،،
تمنياتي ان تروق لكم..
. ١...
راح تبدي المدرسه وتبدي الدروس
يله امشي اوياي خل ناخذ كتب..
البنات هواي سألوني عليج..
وگصن المرجوحه مايردن لعب..
2...
اني ماروحن بعد مايرضه ابوي
ايگلي بويه المدرسه اتعلم چذب..
بصف الاول دار بس للعنده بيت
وحنه خيمه ابيوتنه وبيمن نطب..
.1...
لايخيتي اهوايه اضن غلطان ابوچ
المدرسه اتعلم وفه اتعلم صدگ
جنت اضن وياچ للسادس نروح
يوم الاگشر يوم عنچ نفترگ..
,,,2,,
فرق بيني وبينكم كلش چبير
عثم بينه العوز عاشگنه عشگ
تشترون هدوم بالعام الجديد..
وانه نفس الثوب اخيطه وينفتگ..
,,,1,,
المعلم من يصيح اسمچ شگول
غايبه وباچر تجي اتحل اللغز.
لو دربهم طين من تطلع تطيح
لو خذتهه النومه ماتلحگ تفز..
,,2,,
حيل مشتاگه لرحلتي وللصفوف
والجرس من يندگ اتحسر ونز
بس اخوتي ازغار ماعدهم معيل
گلت ابيع ازباله وشبعهم خبز..
لشاعرها السيد حسين الميالي
رد مع اقتباس
المشاركة الأصلية كتبت بواسطة اميرالفتلاوي
