هنا

[زهور قد تفتحت]

اليضحك اكبال اليكرهه
يبوك من حيله عمر
وضحكت العباس هيبه
فشلت خال الشمر
================================
من عاشرت حبك لحد هذا اليوم
صرت احسب لعمري ساعة ساعة
==============================
ترى الضحكوا علية مايديمون
بس الله العليم شلون ينصدمون
ياخيبتي وبعد خيبتي من هالعيون
صدكوني الشماته فد يوم ….عليكم يمرون
==================================
من عاشرت حبك لحد هذا اليوم
شلال الدمع مانشف من عيني
مع كل الاسف حبك طلع تمثيل
غدر ضيم وهجر يرجع يجازيني
=================================
مامسموح الك تجرحني مرتين
ولا اريدك تجيني ولاتحاجيني
اذا كلبي بفركتك مات فد يوم
ابد لاتمر علية ولاتواسيني
==================================
تمنيتك خيالي وتمشي بس وياي
وتمنيتك وشم وبقلبي مطبوع
تمنيتك ثلج محبوبي وانا الماي
لو نجمد سوة لو انت بية تموع
=================================
تصح ومضه شعر تسوه 1000 بيت.. وتلكه بيوت ابد ما الها معنه
شكد مشتاقلك لو تدري جان جيت ..سفير بظهري صارن 1000 طعنه
======================================
اشم ريحة ثيابك كمت عالباب
واتخيل خيالك باليمرون
ماجيت واتاني وصارلي سنين
شكد مشتاقلك راح اكلب الكون

[sarah sona]

الله الله
يسلموو صديقتي

[زهور قد تفتحت]

الله عليج وعلى حضورج المميز حبي نورتي