فقير ألحال
عشت عمري وحياتي ما أنام ألليل ...
وأفكر باألحياة أشلون أگظيهه ...
فقير ألحال عايش من صرت لليوم ...
وجروح ألزمان أشلون أداويهه ...
شفت كل ألتعب من هايه دنياي ...
وروحي باألصبر كل يوم أسليهه ...
كومه أطفال عندي وربي يعلم حال ...
منو بيكم أليرضه بجوع أخليهه ...
ألمن أشتكي فهموني ياهلناس ...
فرصة عمل رايد ما ألاگيهه ...
ماعندي ربع أنطيه للأطفال ...
وملابس لو أجاني ألعيد ناسيهه ...
كل هذا وأگولن هسه راح أتهون ...
وحكومتنه ألأمل كل يوم أسميهه ...
لكن للأسف ضاع ألأمل فد نوب ...
لأن وضع ألرئاسه أشلون أحاچيهه ...
بنتي أتريد منكم قطعه مال أقماش ...
موش 13 مليون ...........تنطيهه ...
======================
ضياء ابو خالد ... واسط
======================
20\9\2015
======================
رد مع اقتباس
المشاركة الأصلية كتبت بواسطة ميسم البابليه
