سندان هذا الوطن وأبنصه شدة ورد
أثمنطعش ورده أله ومن رافدينه ورد
كل ما أريد أبتعد يمنعني شوگي ورد
وأرجع وأحظنه حظن وأرتمي أبنص دجله
واهواي عندي حچي أتگلي الحچي دجله
دجال طب عالوطن ماينحمل دجله
وز الأخو عالأخو وسواها فرق تسد
خله الخطف والكتل والفوضى ظلت تسد
طوفان طر الوطن چندوب انت تسد
وانت تشوف الزلم خلصت نصها كتل
كل يوم ومن الصبح منظر جثثنه كتل
أشكال طبت الك أحزاب جبهه كتل
وزعوا مال الشعب وأتگول عدهم ورث
وأبن الجنوب الصبر تعبان حاله ورث
بس كافي منكم بعد الگلب منكم ورث
ياهو الشرد مظطهد قابل نضاله گطف
لو چي شرب أجنبي والظال يشرب گطف
إنه الحظرت الظلم كل يوم أفز الگه طف
تاليتي خاين صرت چي ما عفتلي وطن
وما بدليته أبوطن وأجدامي غيره وطن
حملتوا ظهر الوطن أنقاظ چم طن وطن
وأنكسر ظهر الوطن محد أجه عدله
چي لن عنيد وقوي عده الكفر عدأله
ومن طاح بالقاضيه أبنه الذي عدأله
وعدوه أبمنصب حلو وخايف على منصبه
وكل ظنه هو بطل مايدري أهو منصبه
لن الخيانه طبع وي الرجل من صبه
والزلمه من ينغسل أيضيع منه الحيه
وأيصير طبعه الغدر ماخذ أطباع الحيه
ياهو الخلد بالعمر ياهو الي گبلك حيه
عونه الي مات أبشرف حتى أسمه يبقى عدل
گالوها أگعد عوج بس خلي حچيك عدل
ماطول عدنه طمع ما تلگه عدنه عدل
لن الطمع بالأرض بس العدل بسمه
ثاري الختم هالوكت فوگ الگصص بس سمه
والچان مايبتسم هسه الورق بسمه
فرصه وأجت للحلگ لن اليوزع عرف
لاظل حرام وفشل والبوگ اصبح عرف
لن من أجه أبمكتبه علگ ضميره عالرف
ماگال هم تنتهي وهاذا الوضع مرحله
وعونه الحفظ هالوطن من هالفتن مرحه اله
لن اليحب من صدگ ميهمه أذا مر حله
الوطن يبقى حلو مهما الحرب غيرته
وتبقى العرب للابد تعرف عظم غيرته
ولنه أصيل العرب ما تلحگ غيرته
والهل سبب هالوطن بالحمله أسمه ورد
رد مع اقتباس
المشاركة الأصلية كتبت بواسطة ام عراق الشمريه
