چذب عمر الضحك مايوم فل آه
أمخلبص غزل روحي وصعب فلاه
وين الگه اليحب لله فلله
اذا خوة گبل حدر الوطيه
♥♥♥♥♥♥♥
أبطيبتي أنطيتك رمح تطعني بيه
وضمدت جرحك أبسكته وما گلت
خاف أگلهم صاحبي وأنطي ابصديق
وآنه ما فد يوم بالصاحب خنت
جرحي طايح فدوه الك باچر يطيب
لاكن الكاتلني آني أشقصرت
مو چنت بس تمشي آنه أشگف وراك
وما أگلك ذاك ذمك من گمت
چنت أتقاسم حسرتك لمن تجيك
وأشعر أبآهات گلبك لو ضجت
چنت أظن تنطيني أيدك من أطيح
مادريت أدير وجهك من طحت
للأسف جازيتني أبقلة وفاك
أهواي أطلبنك وفه وما سددت
ما گلت فد يوم تتلاگه الوجوه
لو چنت بالطعنه حسبالك متت
أعترفلك طعنتك تكتل صحيح
لاكن الطعنات ظهري اتعودت
هسه گمت البس درع واستر گفاي
من طعنتك ذيچ كلشي أتعلمت
رد مع اقتباس
المشاركة الأصلية كتبت بواسطة أوراق شاعر
