نجي اولا عالبنات: دائما تكون العابهم هادئة ومابيها ازعاج ..خطية معزوله وتلعب وحديها لو ويه بنت الجيران .والعابهم
1- تخلي لعابه طفل وتكمطة وتنطية ممه وتنيم بيه
2- العاب مطبخ وغراض الطبخ
3- عدها عروسة زغيرة وحايرة بيها كل شوية تلبسها بدلة شكل
4- تعلب بالمكياج مال امها
5- مكينة خياطة مال لعب ولامة وصل البيت وتخيط
6- تجمع قراصات مال شعر
7-عدها دبدوب تنيمه وياها وتسبحة بالحمام
8-واذا بالشارع يلعبون توكي (اذا خلصو من خباثة الولد)
موصح بنات هاي العابكم ؟؟ واذا ناسي ذكروني
هسة الولدياعيني ع الملائكة
دائما العابهم هجومية وشريرة واحلى شي عدهم التخبيث يعتبروه مصدر للفخر والرجولة
1- اول شي هو التخبيث ع البنات (فارة وبزون)
2-شرطة وحرامية ومسدسات طاخ طيخ بعز الظهاري لو يعلبون بالطين
3- حاطلة كوز ويكسر كلوبات الشارع
4-يدك الباب ع الجوارين ويشرد همين وكت الظهرية
5-يجلب بالسيارات الفايته بالشارع
6-تكلي فد 5 لو 6 ولد ملتمين على عصفور لحيمي واكع من العش عبالك كائن فضائي
7-يلعبون دعابل واخر شي عركة وية الفايز شلون ياخذ دعبالهم
8-يلعبون طوبة حفاي الظهرية
9-اذا ماعدهم شي تلكيهم ناصبين على واحد فقير ومسوية مكفخة .. كلها صايرة ابطال براسة
10-اهدأ شي عدهم لعبة الختيلان
هاا كولو جذب واذا ناسي شي ذكروني وكل واحد يذكر لعبته المفضلة ؟؟
رد مع اقتباس
المشاركة الأصلية كتبت بواسطة Dari
