هنا

[^-^بطيخة^-^]

عله استعداد تام لجيتك البيت
وموعد عنده مسبق للزياره
وعله جهت اليمين امك اجت بيك
وتدري الباب مبنيه ابيساره
ابمخاض امك عرف تتعب لمدور
لذلك ياعلي شكلك جداره
امك ماهي مريم خاطر تكوم
تهز بالجذع تتساقط ثماره
امك يم رجلها اثمار الجنان
ماتحتاج هز ولا اشاره
لمريم يوم سئلوا شارت عليه
وتكلم عيسى معجزته بحواره
وبلا متشير امك من اجوا ليك
لكوك مكسر اوثان الحجاره
رمز صار الصليب لعيسى تذكار
ويعني الموت هالشي بعتباره
وعلي بكلشي حلو مذكور للناس
خصوصا عن بطولاته وفقاره
بسم عيسى فقط جم دير سموه
وبسم حيدر تعلت جم مناره
حيدر مو نبي معروف هالشي
بس شجم نبي يسوه بجداره
الحضاره اتسمت بسومر وآشور
وحيدر وحده ينعد حضاره
ابعلم دولة علي ماخط شعارت
نصرا من الله انخط شعاره
وبدولة علي ماكو سفارات
ولا الفين عامل بالسفاره
علي مو للكتل وزع وزاراة
ولا بس وحده ايدير الوزراه
علي للناس دوم ايزيد تموين
لان هوه وزير عله التجاره
بصلاة الجمعه اعلن لازم تزيد
موتقليصها الحصه بقراره
وعلي مو عالورق عنده انتخابات
وعله الواقع شرط فرض الاماره
فدرالي علي بس سيفه من نار
بكل اقليم اعوج تشب ناره
وبدولة علي هم جان اكو ارهاب
بس ماصالح اواضح قراره
عده السيف يحكم لليخونون
وحشه يجامل علي بدم الغياره




م

اتمنى ان يكون قد نآل اعجابكم

[وآنا]

حلوو
شكرا لكِ

[ايات الملكية]

شكرا حبيبتي الغالية

[علي الشمري]

حلو حلو حلو
السلام عليك يا اسد الله الغالب

امك ماهي مريم خاطر تكوم
تهز بالجذع تتساقط ثماره
امك يم رجلها اثمار الجنان
ماتحتاج هز ولا اشاره