حــب العرآق
حب العراق
مذهبي سني احب ال الرسول
وبعراقيتي اغير مذهبي
وما اتيه بليل يخويني الظلام
ونتم عيوني وسماي وكوكبي
جيت من لنبار ما خفت الطريق
وكَلت اوصل حتى لو احبي حبي
ما يمسني الجوع بسنين العجاف
وبالعراق اليوم زادي ومشربي
الما يحب عيشه ويحب ولد البتول
ماله حكَـ يفاخـــر بحــــــــــب النبي
وحنـــــه بالفاروق نفخـــر من زمان
حتى لا نسوانـــــــــه اشوف السبي
احنه سنـــــــــه وانتو شيعـــه للامام
العرف اللـــه وهو لساتـــــــــــه صبي
وانه كردي الناي اعزف للجنوب
مو مهم انه اعجمي انتــــه اعربي
المهم ساتر نكَف ضــــــد اليجون
وما نوفر فرصـــــــــه تخدم اجنبي
الجار غشنه ..غشنـــه بفكار اليهود
بملعبك يزرع فتـــــــــن وبملعــبي
خله ابن فلان يغتــــــــال الطبيب
وسدسد بوجهي طريقي ومهربي
شايل العبوه يدور عن مـچـــــــان
ابيت اهله فجــــــــر العبوه الغبي
سيطرة اوهام ينصـــــب عالجسور
الروافض وين وين الناصـــــــــــبي
والنسا الـچـانت سند جيش اليصول
هسه صارت قنبــله بنـــــــص العبي
قلل المطلوب لا تطلـــــــب چـثير
راح اقلل يم جنابـــــــــك مطلبي
اجدور اهلنه بعد ما تطبخ خلاف
ولا بعد نسمع نصيحـــــــة اجنبي\
منقـــول
اتمنى ان يكون قد نآل إعجابكم :)
رد مع اقتباس
