هاي التجربه صارت باجتماع الاباء
بصف رابع ابتدائي
قبل يوم من اجتماع الاباء المديره كالت النه الشطار والكساله يجيبون اهاليهم
اني امي اتضوج تجي لاجتماع الاباء
وابويه عنده شغل
من رجعت للبيت حاولت اقنع امي تجي للاجتماع كالت:ان شاء الله اجي
المهم رحت للمدرسه انتظرت لحد الدرس الاخير مجتي امي
دك الجرس حتى نروح للبيوت فالخط تاخر...
كعدنا اني وصديقتي بالساحه ننتظر الخط
شافونه الاداره صاحتني المعونه كالت انتي مو وسن؟ كلتلهه اي ست كالت تعالي بالاداره نريدج (( اني جنت اخاف كلش من المديرهو مداخله للاداره ابد ..وجنت ام دميعه ابجي بسرعه
)) فمشيت للاداره و الدموع بعيني شفت المديره والمرشده مالصف كالت المدير:اهلج ليش مجوي للاجتماع..احتاريت شجاوب
..
كلتلها ست اني كلت الماما تجي بس هيه مجتي لان اخواني الصغار بالبيت متكدر تخليهم وحدهم..
كالت وابوج؟؟
كلتلها بالشغل
كالت اوكي
جان حجت هيه والمرشده ((واني الا شويه وابجي))
جان تكلي هاهيه روحي
طلعت من الاداره جان كمت ابجي
صديقتي تكلي شبيج تبجين اكللها مادري
ورجعت للبيت وحجيت ويه امي ثاني يوم جتي للمدرسهوحجت للمديره القصه
واني اسبوع افوت من يم باب المديره ركض
ولحد الان اني ما اعرف ليش بجيت
رد مع اقتباس
المشاركة الأصلية كتبت بواسطة المرهفة
