السلام عليكم
حبيت انزل تجربتي الي تعلمت منها بعد ما خطأت
احنا مدرستنا دائما الروابع الهم بس قاعتين يعني بس الف وباء
واحنا كل صف بيه 70 _ 75 طالبة
والصف زغير وتخيلو بعد
المهم من جنت بشعبة باء جنت كاعدة قبل الاخير
واحنا 3 بنات برحلة
واكو بنات واكفات ما عدا الي كاعدين اربعة
كل يوم يجولنا الادارة يكولون رح نحاول ندبرلكم قاعة
وما ديكدرون يدبرون
كالو للتربية وعلساس يجيبولنا كرفان ويخلو بالساحة
طبعا هاي الفكرة معجبتني لان حيكون الكرفان بالساحة ووية هوسة بنات الادبي الي 24 ساعة بالساحة
يعني همة اصلا ما جابولنا كرفان والي جان معاجبني
المهم ظلينة شهرين على نفس الحالة
قبل نص السنة باسبوع اعتقد
فرقونا بس خلونا بمختبر الكيمياء الي بيه شباك واحد وصغير وضيق الي درجة
يعني صرنة كل شعبة بيها 45 الى 50 طالبة
مختبر الكيمياء جان عبارة عن كراسي والكراسي كلش تاخذ مجال
فـــــــ اني حصلت مكان قبل الاخيرويم الحايط
الصف جان عبارة عن سراوين كراسي ومجال يمكن كاشية وحدة ووراها اربع سراوات كراسي
اني جنت كاعدة بجهة الـ " اربع سراوات "
جنت كل ما اكوم على السبورة لازم صديقتي الي وراية وكدامي تكوم حتى احاول اطلع من بين الكراسي
ومرات المدرسات ميكوموني او يكلولي انتي بمكانج وحلي
جان موضوع مضوجني الى درجة
جنت ما اطلع بالفرصة لان بين ما اطلع واطب راحت الــــــــــ ربع ساعة
فكرت انه اخلي الكراسي بالعرض بس ما اجرأت اسويها
فديوم كاعدين شاغر جان مدرسة الرياضيات تكول ليش متوسوها بالعرض
وكل مرة نكول اي ومحد يطبق
ورة فترة صديقتي كلتلي خلي نخليها بالعرض وتعاي ساعديني
اتفقنا 4 بنات وسوينا الكراسي بالعرض
ورتبنا كلشي
جان الدرس الاخير بوقتها
وكل ما تجي بنية تحجز الها ولصديقاتها وتكتب عليهن اسمائهن ( عقول فارغة )
المهم ثاني يوم واول درس
قبل ما يبدي الدرس الاول الصف صار هوسة كلش
وبلو الفكرة براسي
اني سكتت وطنشتهم
وهستوة بادي الدرس الاول
الكة مرشدتنا ( مدرسة الاحياء ) والمديرة بباب الشعبة
ويكولون منو سوة هيج محد يجاوب
اني خفت الى درجة :|
والمديرة كالت اجي الدرس الثاني الكاه مثل ما جان
المهم عدلنة الكراسي ورجعناها
كلت للمدرسة حروح اغسل ايدي وجتي وياية صديقتي الي ساعدتني من سوينة الكراسي
رحت لمدرسة الاحياء واعتذرت منها
كالت ما جنت متوقعة ابد هاي فكرتج وفكرة صديقتج
حسستني اني ارتكبت جريمة
اني جانت البجية واكفة الا شوية
رجعت للصف اراجع احياء لان صار عدنا درس
واني اراجع الكة نفسي تنزل دموعي يااا شكد عيب
حاولت امسح دموعي واسكت بس صديقاتي شافوني -_-
بجيت لان اني الي سويتة لمصلحتهم الهم
كلت بلكي يتحسن الوضع
بس حسيت نفسي غبية كلش
وتعلمت انه ما اسوي اي شي بعد واسكت واكعد بصفي
يمكن هاي هية الحياة
مهما تكدر تساعدهم تلكة نفسك واكع بحفرة
ولا احد يمك
اسفة على الاطالة
رد مع اقتباس
المشاركة الأصلية كتبت بواسطة كات
