عجبتني الطريقة.. عاشت ايدجالمشاركة الأصلية كتبت بواسطة Noor Hassan
موضوع جميل ، راح انزل وصفة البامية
بعد ان ننظف البامية تفرك بملح ثم تغسل مع تقشير عدد من فصوص الثوم حسب الرغبة و قطع مكعبات من لحم الغنم ، نضع كمية من الزيت في القدر او الچدر حتى لا تضوجون ثم و خلي احجي عامية احسن نحمس الثوم و يا اللحم منو بالاول لا تسألوني لان ما اعرف هو خلوا الثوم او اللحم بالاول ماكو فرق الكل حبايبو بعدين نضيف اشوية كركم و بعدما انحمسوا الجماعة نخلي البامية و نحمسها وياهم لحد ما يتغير لونها ويصير اخضر براق اخضر كلش يعني اكثر خضار من لونها العادي و طبعا نسيت اكول انه لازم احنا عاصرين كم طماطاية بالخلاط و يضاف العصير للقدر وراح تسمعون صوت طششششش
بعدين انضيف ماي عادي و يخلط جيدا مع الماء ، هم تسمعون طشششش لا تخافون ههههههه ، وراها نغطي القدر الكدر الچدر اي تسمية هو نفس الشي و ننتظر تستوي البامية او تشريب البامية ( ملاحظة كل شوية نرفع الغطا واكو تصير رغوة فوق التشريب انشيلها ) و بعد ما تستوي انضيف الملح حسب الرغبة و تأكل مع الخبز الحار او التمن و اصابعكم وراها ههههه و لا تنسون الفلفل الاخضر لانه المتعارف عليه ناكل وياها الفلفل الاخضر كمقبلات و بالعافية و شكرا ودمتم سالميين
ع
رد مع اقتباس
الي مشاركوا ننتضرهم ونشوف ذوقهم بالطبخ
صدك اكول ليديا انتي وين بيتك بس لا جوارينه هههه كلشي تعرفين 
..
....