هذا كلبي , هذا راسملك خريطه ابنص شرايين العمر
هذا كِلبي النقش رسمك عالشغاف .... أولام وي نقش الحجر
هاك أحضنه وبالك أيطيح امن أديك ...... وينفطر
هذا أمانه .... أستلمه ذمه ...... ولا تجازف بالامانه وتعتذر
هذا ..... ريعانه صفالك من زغر
هذا ... دكَـ أوتاد عشكَه ...... ابوسط محراب الفجر
هذا ..... راسملك خريطه ..... ابنص شرايين العمر
هذا كَلبي أمحزم ابلبت وريده ....... ودم ألك ينكَط صبر
هذا كَلبي ... تل محنه وطيب ..... مو مثلك ... كَلب عندك صخر
هذا كَلبي ألتف عليك ..... ونزل بهروشك يغذي ... وانته جازيته ابهجر
يل تركت أجروحه تدي ............ وملح هجرك ..... بي نثر
لا تخليني انتظر ......... لا ,, تواعدني الظهر
شمس كَيضك ذوبتني ..... وصفه الخاطر منكسر
لا ,,, تواعدني العصر ........
كَلبي ما ظل بي رفيف ........ وما بعد يحمل عصر
لا ,,,, تواعدني الفجر
عيني سهرتلك ليالي ....... وبدمعها ابساع كَامت تنفجر
هذا حدي اوياك .. يمضيع الأمانه ........ وما بعد عدك عذر
للشاعر حكيم الاسدي
رد مع اقتباس
